Betlehema Kapelo
Betlehema Kapelo | |||
---|---|---|---|
Betlémská kaple | |||
![]() | |||
kapelo ![]() | |||
Bazaj datoj | |||
Konstrustilo | Gotika arkitekturo vd | ||
Estiĝo | 1391 | ||
Lando | Ĉeĥio ![]() | ||
Situo | Malnova Urbo | ||
Adreso | Betlémské náměstí 255/4 | ||
Situanta sur | Betlémské náměstí | ||
Situo | |||
Geografia situo | 50° 5′ 4″ N, 14° 25′ 3″ O (mapo)50.08430555555614.4175Koordinatoj: 50° 5′ 4″ N, 14° 25′ 3″ O (mapo) | ||
| |||
Posedata de | Ĉeĥa Universitato Teknika ĉe Prago vd | ||
Retejo | https://www.bethlehemchapel.eu/ | ||
![](https://upload.wikimedia.org/wikipedia/commons/thumb/b/be/%C4%8Cern%C3%BD%2C_V%C4%9Bnceslav_-_Mistr_Jan_Hus_k%C3%A1%C5%BEe_v_kapli_Betl%C3%A9msk%C3%A9.jpg/170px-%C4%8Cern%C3%BD%2C_V%C4%9Bnceslav_-_Mistr_Jan_Hus_k%C3%A1%C5%BEe_v_kapli_Betl%C3%A9msk%C3%A9.jpg)
La Betlehema Kapelo (ĉeĥe Betlémská kaple) estas eksa kristana preĝejo en la Malnova Urbo de Prago, konsekrita al la betleĥemaj Senpekuloj, menciinda turisma vidindaĵo el la husana epoko. Ekde 1962 ĝi havas statuson de Nacia kultura memorindaĵo de Ĉeĥio.
Starigita en 1391 de la pragaj urbanoj – komercisto kaj urbestrano Kříž kaj la reĝa kortegano Johano de Mühlheim, ne por okazigado de mesoj, sed pure por celo de predikado en la gepatra lingvo ĉeĥa. Tiel ĝi fakte fariĝis la unua predika templo en Eŭropo. En 1402–1413 predikis tie la idea preparinto de la husana revolucio, magistro Johano Hus, tiama rektoro de la praga universitato.
La kapelo estis detruita en la jaro 1786, sed la eksteraj muroj restis konservitaj en la surloke starigitaj domoj. Pro sia historia signifo ĝi estis renovigita kaj rekonstruita fare de arkitekto prof. Jaroslav Fragner en la jaroj 1948–54. Ekde 1987 ĝi ekapartenis al la Teknika altlernejo, kiu post plua rekonstruo en 1988–1992 alirebligis la internon al la publiko kaj utiligas la konstruaĵon ankaŭ por siaj solenaj aranĝoj.
La kapelo kun areo 798 m² povas enteni entute 3000 vizitantojn. Okazadas en ĝi ekumenaj mesoj kaj danke al bonaj akustikaj ecoj ankaŭ koncertoj. La interno estas por turistoj alirebla tutjare ĉiutage krom lundoj. Ĉiĉeronaj servoj funkcias en lingvoj ĉeĥa, angla kaj germana.
Literaturo
[redakti | redakti fonton]- BETlÉMSKÁ kaple. Praha, Pražská informační služba 2000.
- KUBÍČEK, Alois: Betlémská kaple v Praze. Praha, sportovní a turistické nakladatelství 1957.
Vidu ankaŭ
[redakti | redakti fonton]Eksteraj ligiloj
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.