Aum Ŝinrikjo
| Aum Ŝinrikjo | ||
|---|---|---|
| オウム真理教 | ||
| ||
| ||
| religia organizaĵo terorisma organizaĵo sekto 
| ||
| Komenco | 1984 vd | |
| Fino | februaro 2000 vd | |
| Poste | Alef • Q11301245 • Hikari no Wa • Q48760680 vd | |
| Lando(j) | Japanio vd | |
| Sidejo | Tokio | |
| Posedatoj | CHYREN (en)  vd
| |
| Agokampo | sarino • LSD • N-metilamfetamino • meskalino • O-ethyl S-2-diisopropylaminoethyl methylphosphonothioate | |
| Retejo | Oficiala retejo | |
Aum Ŝinrikjo aŭ Omu Ŝinrikjo (japanlingve:オウム真理教 [ōmu ŝinrikjō] lit. instruo de la vero) estas japana sekto, kiu fifamiĝis pro la venengasa atako (kun sarino) en la metroo de Tokio je 20-an de marto 1995.
La sekton fondis en 1984 la forte vidhandikupula japana naturkuracisto Matsumoto Chizuo, plikonata kiel Asahara Shoko kun la nomo Ōmu Shinsen no Kai.
Post spiritaj travivaĵoj de Asahara en Barato (1987), li prenas la nomon Asahara Ŝoko kaj transnomas la asocion al "Omu Ŝinrikjo (Om-instruo de la vero). Samjare Asahara fondas apartan komunumon kun laboro, fabrikoj ks.
La ŝtataj instancoj rekonas la sekton en 1989, Asahara fondas politikan reprezententon de la sekto (Ŝinrito), kiu partoprenas en la balotoj, sed tute sensukcese. La sekto nombras jam 7000 anojn dismonde (1991), aperas en Rusio (1992) kaj akiras tie ĉirkaŭ 10.000 sekvantojn. La sekto aĉetas en 1993 mitralojn AK-47.
Oni sukcese produktas sarinon en 1994 kaj elprovas ĝin en Macumoto je 27-a de junio, mortas 7 homoj.
La 20-an de marto 1995 ili okazigis la venengasan atakon en la metroo de Tokio, mortigis 27 personoj (Sarina atako en Tokio). La polico kaptas gvidantojn, konfiskas posedaĵojn. Oni kaptas en majo la sektogvidanton Asahara.
En 1999 la sekto alinomis sin al Aleph kaj havas ĉirkaŭ 1500-2000 sekvantojn.
Juĝo
[redakti | redakti fonton]La japana juĝejo juĝis 12 homojn je morto. Inter ili la sektogvidanto Asahara Ŝoko estis finfine juĝita de Supera Korto de Japanio je mortpuno la 15-a de septembro 2006. La 6-an de julio de 2018, elĉerpinte ĉiujn apelaciojn, Asahara kaj ses sekvantoj estis ekzekutitaj kiel puno por la atakoj en 1995 kaj aliaj krimoj,[1][2] kaj la restantaj ses en la mortokoridoro estis ekzekutitaj la 26-an de julio.[3]
Referencoj
[redakti | redakti fonton]- ↑ Ramzy, Austin, "Japan Executes Cult Leader Behind 1995 Sarin Gas Subway Attack", The New York Times, 5-a de julio de 2018.
- ↑ "Tokyo Sarin attack: Aum Shinrikyo cult leaders executed", BBC News, 6-a de julio de 2018. Kontrolita 12-a de julio de 2018.
- ↑ "Tokyo Sarin attack: Japan executes last Aum Shinrikyo members on death row", BBC News, 26-a de julio de 2018.
Literaturo
[redakti | redakti fonton]- Haruki Murakami: Untergrundkrieg. Goldmann Verlag, ISBN 3-442-73075-9
- David E. Kaplan, Andrew Marshall: AUM, Eine Sekte greift nach der Welt. Ullstein Verlag, ISBN 3-548-35717-2
- Robert Jay Lifton: Terror für die Unsterblichkeit. Erlösungssekten proben den Weltuntergang, Hanser Verlag, ISBN 3-446-19879-2
Text is available under the CC BY-SA 4.0 license; additional terms may apply.
Images, videos and audio are available under their respective licenses.
