La Artikoloj de Fido estas deklaro pri kredoj skribita de Joseph Smith kiel letero sendita je 1842 al John Wentworth, eldonisto de la ĵurnalo Chicago Democrat. Tio ene de la movado esta konata kiel La Letero de Wentworth. La plimulto de la mormonoj konsideras la artikolojn de fido kiel oficiala deklaro de ilia baza teologio. La Eklezio de Jesuo Kristo de la Sanktuloj de la Lastaj Tagoj adoptis la artikolojn kiel sankta skribo.

1. Ni kredas je Dio, la Eterna Patro kaj je Lia Filo, Jesuo Kristo kaj je la Sankta Spirito.
2. Ni kredas ke la homoj estos punataj pro siaj propraj pekoj, kaj ne pro la malobeo de Adam.
3. Ni kredas ke pro la Disinofero de Kristo, la tuta homaro kapablas atingi la Savon per obeado al la leĝoj kaj ritoj de la Evangelio.
4. Ni kredas ke la unuaj principoj kaj ritoj de la Evangelio estas: 1 Fido al la Sinjoro Jesuo Kristo, 2 Pento, 3 Bapto per enakviĝo por ricevi la pardonon pri pekoj, Surmeto de manoj por la donaco de la Sankta Spirito.
5. Ni kredas ke homo devas esti vokita de Dio per profetaĵo kaj per la surmeto de manoj de tiuj kiuj posedas la aŭtoritaton por prediki la Evangelion kaj administri ĝiajn ritojn.
6. Ni kredas al la sama organizo kiu ekzistis en la Primitiva Eklezio, t.e. apostoloj, profetoj, pastoroj, instruistoj, evangelistoj, k.t.p.
7. Ni kredas je la donaco de lingvoj, profetado, revelaciado, vizioj, resanigado, interpretado de lingvoj, k.t.p.
8. Ni kredas ke la Biblio estas la vorto de Dio ĝis ĝi estas senerare tradukita. Ni ankaŭ kredas ke la Libro de Mormon estas la vorto de Dio.
9. Ni kredas ĉion kion Dio jam revelaciis, ĉion kion Li nun revelacias, kaj ni kredas ke Li ankoraŭ revelacios multajn grandajn kaj gravajn aferojn rilate a la Regno de Dio.
10. Ni kredas je la senmetafora kunveniĝo de Izraelo, kaj je la restariĝo de la Dek Triboj, ke Cion (La Nova Jerusalemo) estos konstruita sur la amerika kontinento, ke Kristo persone reĝos sur la tero, kaj ke la tero estos renovigita kaj ricevos sian paradizan gloron.
11. Ni pretendas la privilegion adori la Ĉionpovan Dion laŭ la diktoj de nia propra konscienco, kaj permesas al ĉiuj la saman privilegion. Ili adoru kiel, kie aŭ kion ili volas.
12. Ni kredas ke ni estu regatoj de reĝoj, prezidantoj, regantoj, kaj juĝistoj, ke ni obeu, honoru kaj subtenu la leĝon.
13. Ni kredas ke ni estu honestaj, veremaj, ĉastaj, bonkoraj, virtaj, kaj ke ni agu bone al ĉiu homo; vere, ni povas diri ke ni sekvas la admonon de Paulo: "Ni kredas ĉion, ni esperas ĉion", ni eltenis multe, kaj ni esperas ke ni povas elteni ĉion. Se ekzistas io virta, bela, aŭ laŭdinda: tion ni aspiras.

v • d • r Movado de la Sanktuloj de la Lastaj Tagoj Fundamentaj ideoj Mormonismo • Mormonoj • Mormonismo kaj kristanismo • Mormona integrismo • Mormonsciencoj Historio Eklezio de Kristo • Hereda krizo • History of the LDS Church • Community of Christ history • Historio de la Eklezio de Kristo (Bickertonite) Sakraj tekstoj Biblio • Libro de Mormon • Doktrino kaj Interligoj • Traduko de la Biblio de Joseph Smith • Multevalora Perlo Fondintoj kaj gravuloj Joseph Smith, Jr. • Oliver Cowdery • Sidney Rigdon • Brigham Young • Joseph Smith III • James Strang • William Bickerton • Granville Hedrick Doktrinoj kaj proktikoj Views on Godhead • Views on Jesus • Priesthood • Artikoloj de Fido • Restoration • Mormonismo kaj iudismo • Temploj Kritikoj Kritikoj • Joseph Smith, Jr. kaj poligamio • Blacks and the Latter Day Saint movement • Oath of vengeance • Masakro ĉe monto Meadows • Historicity of the Book of Mormon