André Maurois
André MAUROIS, propranome Emile Herzog (naskiĝis la 26-an de julio 1885 en Elbeuf, mortis la 9-an de oktobro 1967 en Neuilly-sur-Seine) estis franca romanverkisto kaj eseisto.
Li estas plej multe konata pro siaj biografiaj romanoj (Turgenev, Voltaire, Disraëli, Shelly, Byron, G. Sand, Tri Dumasoj, V. Hugo, Balzac, A. Fleming), sed ankaŭ liaj ceteraj verkoj distingiĝas pro psikologia profundeco kaj humuro (Silentado de kolonelo Bramble, La Familia Cirklo, Klimatoj).
Eminentaj estas liaj eseoj (Anglaj studaĵoj, La Konversacio, Aspektoj de la Biografio, De Prous al Camus, La grandaj verkistoj de ĉi tiu duonjarcento) kaj historiaj verkoj (Historio de Francio, Historio de Anglio, Historio de Usono).
En Esperanto aperis
[redakti | redakti fonton]- Bareluloj kaj Fadenuloj (Patapoufs et Filifers), moderna fabelo por ge(mal)junuloj. Tradukis Berno Fabo. Ilustris Jan Ermers. Scheveningen: Esperanto-Instituto "Merkurio", proks. 1933. 104 paĝoj.
- Noveloj, Franca Esperantisto 356, 1984. 68 paĝoj.
Text is available under the CC BY-SA 4.0 license; additional terms may apply.
Images, videos and audio are available under their respective licenses.