Alano la 3-a (Bretonio)
| Alano la 3-a de Bretonio | ||
|---|---|---|
| Duko de Bretonio | ||
.jpg)
| ||
| Regado | 1008-1040 | |
| Antaŭulo | Gotfredo Bérenger | |
| Persona informo | ||
| Naskiĝo | 997 | |
| Morto | 1040 en Nantes | |
| Mortis per | Veneno  vd
| |
| Tombo | Fécamp Abbey (en)  vd
| |
| Religio | kristanismo vd | |
| Familio | ||
| Patro | Gotfredo Bérenger | |
| Patrino | Havoise de Normandio | |
| Gefratoj | Odo, Count of Penthièvre (en) vd
| |
| Edz(in)o | Bertha of Blois (en) (1018 (Gregoria)–) vd
| |
| Infanoj | Conan la 2-a Havoise de Bretonio, Geoffroy Grenonat (nelegitima). | |
| Profesio | ||
| Okupo | aristokrato vd
| |
| Grafo de Rennes | ||
| Dum | 1008–1040 | |
| Antaŭulo | Gotfredo la 1-a | |
| Sekvanto | Conan la 2-a | |
| vd | Fonto: Vikidatumoj | |
Alano la 3-a, la Granda (dirata Rebrit aŭ Roebre, kiu signifas la granda en la bretona lingvo[1]) (997- 1-a de Oktobro 1040), filo kaj posteulo de Gotfredo Bérenger (fr: Geoffroy Bérenger), grafo de Rennes kaj duko de Bretonio, kaj de Havoise de Normandio, estis duko de Bretonio de 1008 ĝis 1040. Praido de Erispoe, li kelkfoje uzis la titolon de reĝo de Bretonio.
.png)
Biografio
[redakti | redakti fonton]Dekjara je la morto de sia patro, li apogis sin sur sia patrino, mortinta en la 22-a de Februaro 1034, poste sur la episkopoj de Nantes (Gautier) kaj de Vannes (lia onklo Judicaël), kaj sur la ĉefepiskopo de Dol-de-Bretagne (Junguené).
Unue, Alano la Tria militis kontraŭ la grafo de Anĝevio Foulque Nerra, poste kontraŭ la duko Roberto la 1-a de Normandio. Li omaĝis al Roberto, kiu, post ilia reamikiĝo, konfidis al li la kuratorecon de sia heredonto Guillaume le Bâtard okaze de sia deiro por pilgrimi al Jerusalemo en 1034.
En 1035, li konsistigis la apanaĝon de Pentievro por sia poste naskita frato Eudes, kiu estos ĝia unua grafo.
Roberto la Unua mortis en 1035 revenante de sia pilgrimado, Alano la 3a tiam decidis interveni en Normandio, pretekstante la protekton de la rajtoj de la estonta reĝo de Anglio, Vilhelmo, minacataj per la ribelo de parto de la normanda nobelaro. Fakte, li postulis la duklandon ĉar li estis la nepino de la duko Rikardo la Unua laŭ sia patrino. La ekspedicio fiaskis. Li mortis en tiu kampanjo, en Vimoutiers en 1040[2], pro veneniĝo. Li estis entombigita kun la unuaj dukoj de Normandio en la abateja preĝejo de la Trinité en Fécamp.
Edziĝo kaj idaro
[redakti | redakti fonton]Edziĝinta en 1018 al Berta, filino de la grafo Eudes la 2-a de Blois, ili havis du infanojn :
- Conan, duko de Bretonio de 1040 ĝis 1066 sub la nomo Conan la 2-a,
- Havoise de Bretonio, kiu edziniĝos al Hoël de Kornvalo, kiu posteos Conan la 2-an en 1066 sur la trono de Bretonio.
Kun nekonata konkubino, Alano la Tria havis ankaŭ nelegitiman filon :
- Geoffroy Grenonat dirata la Liphara, grafo de Rennes en 1066.
Aneksaĵoj
[redakti | redakti fonton]Notoj kaj referencoj
[redakti | redakti fonton]Bibliografio
[redakti | redakti fonton]- André Chédeville & Noël-Yves Tonnerre La Bretagne féodale (XIe-XIIIe). Ouest-France Université Rennes (1987) (ISBN 2727200122).
- Arthur de La Borderie Histoire de Bretagne: Tome troisième Règne du duc Alain III (1008-1040) (p. 6-13). Reeldono de Joseph Floch Presisto - eldonisto en Majeno (fr: Mayenne) (1975).
Vidu ankaŭ
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
