Červenohorské sedlo
| Červenohorské sedlo | |
| esperante: Ruĝmonta selo | |
| montoselo | |
 Ruĝmonta selo el montopinto de deglitejo sur nordokcidenta deklivo, en fono Velký Klínovec
| |
| Oficiala nomo: Červenohorské sedlo | |
| Ŝtato |  Ĉeĥio
|
|---|---|
| Regiono | Regiono Olomouc |
| Distrikto | Distrikto Šumperk |
| Historiaj regionoj | Ĉeĥa Silezio, Moravio |
| Montaro | Hrubý Jeseník |
| Ŝoseo | Ŝoseo I/44 |
| Situo | Červenohorské sedlo |
| - alteco | 1 013 m s. m. |
| - koordinatoj | 50° 07′ 13″ N 17° 09′ 15″ O / 50.12028 °N, 17.15417 °O (mapo) |
| Plej facila aliro | el Bělá pod Pradědem aŭ Loučná nad Desnou |
| Horzono | MET (UTC+1) |
| - somera tempo | MET (UTC+2) |
  Situo enkadre de Ĉeĥio
| |
 Situo enkadre de Sudetoj
| |
 Vikimedia Komunejo: Červenohorské sedlo
| |
| Retpaĝo: cervenohorskesedlo.eu | |
 Portalo pri Ĉeĥio
| |
Červenohorské sedlo (esperante: Ruĝmonta selo) estas ŝatata skiada centro de norda Moravio kaj de Ĉeĥa Silezio en montaro Hrubý Jeseník. Ĝi troviĝas en alteco 1013 m sur vojo de signifa ŝosea pasejo (ŝoseo I/44) kaj ĝi situas sur historia moravia-silezia limo.
Ĝi situas proksimume ok kilometroj node de municipo Kouty nad Desnou, fina fervojlinio 293, de kie estas establita pendoltransporto al montoselo.
La areo Ruĝmonta selo estas signifa centro de degliteja skiado sur limo de Moravio kaj Silezio. Estas ĉi tie sume sep skitreniloj kaj kvar deglitejoj, kiuj havas supermaran altecon de 862 ĝis 1164 m. Estas ĉi tie bonegaj neĝkondiĉoj, la vintra sezono daŭras ekde duono de decembro ĝis fino de marto. La areo kun la deglitejoj estas dividita en nordan (pli abruptaj) kaj sudan (pli mildaj) deklivojn.
El Ruĝmonta selo kondukas reguligata skikura vojo al Praděd – tra Petrovka kaj kabano Švýcárna. La alia skikura vojo kondukas al eksa kabano Vřesová studánka, de kie eblas jam sen reguligita spuro daŭrigi tra Červená hora (esperante: Ruĝa monto) al Keprník kaj Šerák. Tiu ĉi vojo estas markita en senarbaraj sektoroj per stanga markigo, sed kiu ne estas tro kvalita.
Jam en la dua duono de la 19-a jarcento situis en la selo ekskursa gastejo, hodiaŭ estas ĉi tie hotelo (la landa limo de Moravio kaj Silezio kondukas rekte tra ĝi), restoracio kaj kelke da kabanoj donantaj loĝigon en apartmanoj.
Ĉar la ŝoseo I/44 superas de Domašov kaj ankaŭ de Kouty nad Desnou supren al la selo grandan superigon, ĝi estas dum vintraj monatoj ofte neveturebla aŭ veturebla nur kun neĝoĉenoj. En la jaroj 2006-2008 (sur la jesenika flanko) kaj en 2014-2017 (sur la ŝumperka flanko) okazis rekonstruo de la ŝoseo I/44.
Eksteraj ligiloj
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
