頭版

是日正文

注意力係一系列嘅行為同認知過程，涉及一個認知系統由接收到嘅資訊當中揀一部份出嚟集中處理，並且忽略嗰啲唔係集中處理緊嘅資訊：一個認知系統無時無刻都喺度接收大量嘅資訊，包括由外界嚟嘅感官資訊同有關自身內部狀態嘅資訊；好多時，為咗要有效解決佢生存所需要解決嘅問題，個認知系統要集中處理同佢生存最有啦掕嗰啲資訊，同時要忽略嗰啲同佢生存冇乜啦掕嘅資訊。喺對注意力嘅科學研究上，科學家一般都會將注意力想像成一種有限嘅資源，由個認知系統嘅決策系統決定要點分配落去唔同嘅資訊源嗰度。喺包括人在內嘅脊椎動物當中，腦係認知嘅中心，而大腦皮層當中嘅額葉同頂葉之間嘅網絡同注意力控制零舍有關。

有關注意力嘅研究喺認知心理學、認知科學、神經科學、市場學以及教育學等嘅多個領域上都係受關注嘅課題。注意力研究會剖析邊啲感官資訊或者訊號傾向吸引得到人同動物嘅注意力、呢啲資訊同訊號會點樣影響神經細胞嘅狀態、以及注意力同第啲行為認知過程（好似係記憶）之間嘅關係。除此之外，精神病理學亦都有研究創傷性腦損害等嘅病變會點影響病人喺注意力方面嘅表現。

注意力同心流體驗好有關係。心流係一種特殊嘅心理狀態，涉及個人極度專心做一樣有挑戰性嘅作業－「有挑戰性嘅作業」可以係打波、捉棋、畫畫以至打機呀噉。經歷過心流嘅人後尾講返出嚟話，心流唔單只令到佢哋好專心，仲令到佢哋覺得時間好似過得好快、喪失自我意識同埋好想再做多次嗰樣作業，而且心流仲好幫到個人提升佢喺嗰樣作業上嘅技術。因為噉，心流同注意力研究對於教育學、管理學以及遊戲設計等方面都相當有應用價值－例如一個遊戲設計師，佢通常都會想啲玩家喺玩佢整嘅遊戲嗰陣經歷心流，所以會有興趣了解呢方面嘅研究。 (成篇文章……)

以前嘅正文：蝴蝶 – 故仔 – 嶺南大學 (廣州)

歸檔 – 提名 – 全部94篇正文...

你知唔知...

...全球糧食當中，得約莫 55% 係畀人類食嘅？
...喺後古代史當中，蒙古帝國攻入歐洲同黑死病等嘅事件都曾經令到世界人口銳減？
...太陽系 (圖) 有四個氣體大行星？
...物理學界曾經諗住時間係絕對嘅，但相對論改革咗呢種睇法，講到時間「流逝得幾快」取決於觀察者身處邊個參考系？
...喺法律上，企業可以係非牟利嘅？
...民間故事係民俗嘅一種形式？
...海佔咗地球大約 71% 嘅面積咁多？
...史前史係指人類仲未有文字可以寫嘢嘅歷史時期？

提名 – 歸檔 – 寫新文

是日靚畫

巴洛克舞蹈（法文：Danse baroque）泛指巴洛克時期（大約 1600 年至 1750 年之間嘅歐洲）貴族之間盛行嘅舞蹈，包括咗莎拉班德、布尼舞曲同小步舞曲等嘅多種舞曲同舞蹈。呢啲舞曲同時亦係巴洛克音樂當中嘅重要曲種，有巴哈嘅《G 大調同 G 小調小步舞曲》等嘅名曲。巴洛克舞蹈盛行於當時嘅法國，同第啲表演藝術有碰撞同交流，因而同呢啲藝術互相影響，例如巴洛克舞蹈有用到五大腳位呢種現代嘅芭蕾舞基礎技巧。

圖片來自：公有領域
舊圖 - 更多正圖...

時人時事

當勞侵禍不單行，佛羅里達州有人疑似企圖再次暗殺佢，警察用持槍罪拉咗個疑犯（疑犯車圖）。
當勞侵喺賓夕凡尼亞州嘅畢拿為年底總統大選造勢期間遇刺，兩死三傷。
當勞侵揞口費案結果出爐：34條偽造商業紀錄罪，全部罪名成立。
伊朗發生直升機失事，其中乘客包括伊朗總統萊希。
格魯吉亞國會通過非常受爭議嘅外國代理人法案，首都第比利斯持續爆發大型示威，要求撤回呢條法案。
臺灣花蓮外海發生咗黎克特制7.2級強烈地震，係臺灣自1999年集集地震以嚟最嚴重嘅地震。
日本石川縣能登半島發生咗最大震度7級嘅地震。氣象廳將呢一連嘅地震命名做「令和6年能登半島地震」。
香港民主派政治人物周庭宣佈藉留學流亡加拿大。

維基新聞^{（英｜中）} – 訃聞 – 更多時人時事…

是日好文

概率論（Probability theory）係研究概率嘅數學理論。概率嘅數值形容一件事件有幾大機會會發生，1 代表件事實會發生，0 代表件事實唔會發生，例如家陣掟一個銀仔，假設個銀仔冇出千嘅話，應該會有 50% 機會出公、50% 機會出字。研究概率嘅數學特性就係概率論想做嘅嘢。

歸檔 – 提名 – 全部正文 – 全部好文...

當年今日

9月21號：國際和平日

1776年：1776年紐約大火。
1949年：中國人民政治協商會議第一屆全體會議響北平召開。
1999年：臺灣南投縣集集發生黎克特制7.3級地震，2,415死，11,305傷。
2013年：肯雅 Westgate 商場發生恐怖襲擊兼脅持人質事件，持續至9月24號。
2018年：蘋果公司iPhone XS（圖）同iPhone XS Max開始賣。

上幾日：9月20號 – 9月19號 – 9月18號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.