Горад Бурж фр.: Bourges Герб Сцяг[d] Краіна  Францыя Каардынаты 47°04′47″ пн. ш. 2°24′02″ у. д.HGЯO Кіраўнік Yann Galut[d] Плошча 68,74 км²[1] Вышыня цэнтра 169 м Водныя аб’екты Yèvre[d], Auron[d] і Moulon[d] Насельніцтва 71,2 тыс. чалавек Часавы пояс UTC+1 Паштовы індэкс 18000 Афіцыйны сайт ville-bourges.fr Бурж на карце Францыі

Медыяфайлы на Вікісховішчы

Бурж (фр.: Bourges, лац.: Avaricum Biturigum) — галоўны горад дэпартамента Шэр у Францыі, на рацэ Еўры і Берыйскім канале. Гістарычна — сталіца правінцыі Беры і герцагства Берыйскага. Насельніцтва 72480 жыхароў (1999).

Да прыходу рымлянаў умацаваны Аварык быў адным з найважнейшых гарадоў Галіі, цэнтрам кельцкага племені бітурыгаў. Па некаторых ацэнках паселішча мела каля 40 тысяч жыхароў. У 52 годзе да н.э. Верцынгетарыг мужна абараняў яго ад Юлія Цэзара, падчас аблогі Аварыка. Дыяклетыян зрабіў Аварык сталіцай правінцыі Аквітанія Першая.

Карл Вялікі меў ласку да Буржа і аднавіў яго значэнне як сталіцы Аквітаніі. Горад быў буйным рэлігійным цэнтрам Сярэднявечча; першы буржскі біскуп, святы Урсін, як лічыцца, жыў яшчэ ў III стагоддзі. У палітычным дачыненні сярэднявечны Бурж быў галоўным горадам герцагаў берыйскіх. Такія грамадзяне Буржа, як Жак Кёр, не мелі ў Францыі супернікаў па багаццю.

На зыходзе Стагадовай вайны Карл VII трымаў у 1422—1437 гадах у Буржы свой двор; тут жа ў яго нарадзіўся сын, будучы Людовік XI, які заснаваў у Буржы ўніверсітэт, які праіснаваў да Французскай рэвалюцыі. У гэтым універсітэце выкладаў знакаміты юрыст Куяцый. Менавіта ў Буржы звярнуўся да вучэння Лютэра Жан Кальвін. У 1849 годзе ў Буржы праходзіў палітычны працэс Бланкі, Луі Блана, Распайля і іншых па справе аб майскім замаху 1848 года.

У Буржы захавалася шмат выдатных помнікаў сярэднявечнага мастацтва. Сусветнай славай карыстаецца кафедральны сабор св. Стэфана — адзін з найчыстых узораў гатычнага стылю, пабудаваны ў XIII стагоддзі ўсяго за паўстагоддзе, што па тых часах было вельмі сціснутым тэрмінам. Вітражы сабора — адны з лепшых па захаванасці і якасці выканання. У крыпце — пахавальня герцагаў Берыйскіх. У 1992 г. Буржскі сабор аб’яўлены помнікам Сусветнай спадчыны чалавецтва.

• Авейру, Партугалія
• Аўгсбург, Германія
• Іашкар-Ала, Расія
• Кашалін, Польшча
• Паленсія, Іспанія
• Пітэрбора, Вялікабрытанія

• Берта Марызо
• П’ер Мартэн

• На Вікісховішчы ёсць медыяфайлы па тэме Бурж
• Сайт горада