I sigàgn i èṅ 'n insém ad pòpui ch'i daśvènan da l'Ìndia e ch'i s èṅ stablî in Europa a s pénsa a far data intóran a 'l an mila par scampàr a gl'invaśiòṅ ad Mahmud di Ghazni. Da spés i s móvan da 'n paéś a c'l àtar faghénd na vita da nòmad, purtànd-as sèg al màchini, al roulotte e al caruàni, ma adès a gh 'n è dimóndi ch'i aṅ catâ un pòst fis in du vìvar.

La paròla sigàgn la rivà diretamènt da 'l grèc dna vòlta τσίγγανοι (tsínganoi) ch'l'éra na tribù dl'Anatòglia.

I sigàgn ad léngua romaní i s divìd'n in Europa in:

• Rom (in Europa urientàla e anc in Itâglia dal sèntar e dal sud);
• Sinti (i s càtan in Frància, Germâgna, Spaggna e anc da 'l nòstri bandi e in dal nòrd Itâglia in gènar);
• Kalé (i viv'n in Spaggna)
• Romanichals (in dal Régn Unî e in dal Gàles)
• Romanisæl (in Śvèsia e in Nurvégia)

Quànd i sigàgn i decìd'n al pòst in du star, i téndan a tgnir sémp'r insém la famìja cun tut i parènt, rivànd anc a ssanta parsòni, stand bèṅ aténti 'd a n misćiàr-as minga cun di furastér. In Itâglia i èṅ sòlit fermàr-as in di pòst fis, in dal cà pupulàri o in di apartamènt tirâ sù par lōr da i cumùṅ.

Durànt la secónda guèra mundiàla, i tedèsc i 'n aṅ fat fóra 250.000 in di camp ad cuncentramènt.

• (CARPŚ) 'T î pròpia 'n sigàgn! (IT) Sei proprio uno zingaro!

• Wikimedia Commons contiene file multimediali su Sigàgn
• Wikizionario contiene la voce di dizionario «Sigàgn»