La Sandrine Bonnaire (Clermont-Ferrand, 31 ad Maǵ dal 1967) l'è n'atōra francéśa.

Sètma fiōla 'd ùndas fradèi, sò pàdar 'l éra 'n uperài e sò màdar na Testimòṅ ad Géuva, la Sandrine la s davśìna al cìnema par caś. La fà na part pìcula in dal film Il tempo delle mele 2 (Al tèmp di póm 2) dal 1982 parchè al pàdar dna sò cumpàggna da scóla, ch'al gh'iva da sarnìr dal baghéti, al la tóś. In sèguit, dòp ch'l'iva cumpagnâ sò surèla a un pruvèṅ, la cgnós al regìsta Maurice Pialat ch'al la tèṅ in cunsiderasiòṅ p'r al film Ai nostri amori (A i nòst'r amōr) e al fà bèṅ vist ch'la vins al prèmi César cuma mijóra atóra a 'l debùt.

In dal 1986 la vins 'n àtar César p'r al film Senza tetto né legge (Sensa téǵ e gnanc léǵ) 'd Agnès Varda, lèòṅ 'd òr a 'l Festival ad Venèsia. 'L an dòp la lavóra incóra cun Pialat in dla pelìcula Sotto il sole di Satana (Sót al sōl ad Sàtana), cun Gérard Depardieu, palma 'd òr a 'l Festival ad Cannes cun al pùblic che però al fìsćia al regìsta durànt la premiasiòṅ.

In dal 1990 la vèṅ sarnìda da Francesca Archibugi p'r al film Verso sera (Vèrs sira). 'L an dòp l'è prutagunìsta ad Sotto il cielo di Parigi (Sót al cēl ad Parìś) al prim e ùltim film ad Michel Bena, in du l'è part 'd un triàngul amuróś fra lē, al sò cumpàgn ad cambra fnòć e un tisi cgnusû in pisìna.

In dal 1992, in sal sèt dal film La peste (La pèsta) ad Luis Puenzo, tràt da un rumànś 'd Albert Camus, Sandrine Bonnaire la cgnós 'l atōr William Hurt, ch'al dventarà al sò cumpàgn e pàdar ad sò fióla Jeanne.

Par Claude Chabrol la gira dū film: Il colore della menzogna (Al culōr dla bala,1998) e Il buio nella mente (al buj in dla mènt, 1995) ch'al gh parmét ad vìnsar la Cópa Volpi a Venèsia insém a Isabelle Huppert e in du la fà la part dna dumèstica ch'la n sà minga lèśar e la fà grup cun na pustìna pòvra ch'la pasa tut al sò tèmp a vèrar la pòsta ad chi àtar par scuriuśàr, anc quéla di sò padròṅ.

In dal 2002 la lavóra cun Brian De Palma in dal sò Femme fatale (Dóna fatàla).

Da 'l 2003 l'è spuśàda cun al senegiadōr Guillaume Laurant.

In dal 2011, la s buta in pulìtica dand uficialmènt na maṅ a la Martine Aubry, candidàda p'r al Partî Sucialìsta a dvintàr presidènta francéśa in dal 2012, ma al 16 'd Utóbar dal 2011 chi lē la pèrd còntra François Hollande ciapànd al 44% di vōt in dal balutàǵ sèg.

• 1982 - Il tempo delle mele 2 (La boum 2), regìa ad Claude Pinoteau
• 1982 - Les sous-doués en vacances, regìa ad Claude Zidi
• 1983 - Ai nostri amori (À nos amours), regìa ad Maurice Pialat
• 1984 - Tir à vue, regìa ad Marc Angelo
• 1984 - Blanche et Marie, regìa ad Jacques Renard
• 1985 - Le meilleur de la vie, regìa ad Renaud Victor
• 1985 - Police (Police), regìa ad Maurice Pialat
• 1985 - Senza tetto né legge (Sans toit ni loi), regìa dl'Agnès Varda
• 1986 - La puritana (La puritaine), regìa ad Jacques Doillon
• 1987 - Sotto il sole di Satana (Sous le soleil de Satan), regìa ad Maurice Pialat
• 1987 - Mentire per non morire (Jaune revolver), regìa 'd Olivier Langlois
• 1987 - Les innocents, regìa 'd André Téchiné
• 1988 - Qualche giorno con me (Quelques jours avec moi), regìa ad Claude Sautet
• 1988 - L'insolito caso di Mr. Hire (Monsieur Hire), regìa ad Patrice Leconte
• 1988 - Peaux de vaches, regìa dla Patricia Mazuy
• 1990 - La prigioniera del deserto (La captive du désert), regìa ad Raymond Depardon (1990)
• 1990 - La bonne âme du Setchouan, film TV, regìa ad Bernard Sobel (1990)
• 1990 - Verso sera, regìa ad Francesca Archibugi (1990)
• 1991 - Sotto il cielo di Parigi (Le ciel de Paris), regìa ad Michel Béna (1991)
• 1992 - La peste (La peste), regìa ad Luis Puenzo (1992)
• 1992 - A Praga (Prague), regìa 'd Ian Sellar (1992)
• 1994 - Giovanna d'Arco - Parte I: Le battaglie (Jeanne la pucelle – Les batailles), regìa ad Jacques Rivette
• 1994 - Giovanna d'Arco - Parte II: Le prigioni (Jeanne la pucelle – Les prisons), regìa ad Jacques Rivette
• 1994 - Confidenze ad uno sconosciuto (Ispoved neznakomtsu), regìa ad Georges Bardawil
• 1995 - Les cent et une nuits de Simon Cinéma, regìa dl'Agnès Varda
• 1995 - Il buio nella mente, (La cérémonie), regìa ad Claude Chabrol
• 1996 - Never Ever, regìa ad Charles Finch
• 1997 - Die Schuld der Liebe, regìa 'd Andreas Gruber
• 1997 - La lettre, film TV, regìa ad Bertrand Tavernier
• 1997 - Une femme en blanc, regìa dl'Aline Issermann - minisérie TV
• 1998 - Secret défense, regìa ad Jacques Rivette
• 1998 - Vite rubate (Voleur de vie), regìa 'd Yves Angelo
• 1998 - Il colore della menzogna (Au cœur du mensogne), regìa ad Claude Chabrol
• 1999 - Est Ovest - Amore libertà (Est-Ouest), regìa ad Régis Wargnier
• 2000 - Mademoiselle (Mademoiselle), regìa ad Philippe Lioret
• 2001 - C'est la vie, regìa ad Jean-Pierre Améris
• 2002 - Femme fatale (Femme fatale), regìa ad Brian De Palma
• 2003 - La maison des enfants, regìa dl'Aline Issermann - minisérie TV
• 2003 - Resistance, regìa ad Todd Komarnicki
• 2004 - Confidenze troppo intime (Confidences trop intimes), regìa ad Patrice Leconte
• 2004 - Le cou de la girafe, regìa ad Safy Nebbou
• 2004 - L'équipier, regìa ad Philippe Lioret
• 2006 - Le procès de Bobigny, regìa ad François Luciani - film TV
• 2007 - Je crois que je l'aime, regìa ad Pierre Jolivet
• 2007 - Demandez la permission aux enfants, regìa 'd Eric Civanyan
• 2008 - Un cœur simple, regìa dla Marion Laine
• 2008 - L'empreinte de l'ange, regìa ad Safy Nebbou
• 2009 - Joueuse, regìa dla Caroline Bottaro
• 2013 - Adieu Paris, regìa dla Franziska Buch
• 2014 - Salaud, on t'aime., regìa ad Claude Lelouch
• 2015 - La dernière leçon, regìa ad Pascale Pouzadoux
• 2015 - Dusha shpiona, regìa ad Vladimir Bortko
• 2016 - Le ciel attendra, regìa dla Marie-Castille Mention-Schaar

• (EN) Filmugrafìa in s'l IMDb