Al Roland Garros (a s lèś [ʁɔlɑ̃ ɡaʁɔs] in francéś) 'l è 'n turnèo ad tènis ch'a s tîṅ tut i an a Parì da mità Maǵ a 'l inìsi 'd Śugn.

'L è 'l secónd evènt dal Gran Ślam d'l an, dòp gl'Australian Open, avèrt a masć e fémni. La prima edisiòṅ la gh'è stada in dal 1891 ma in alóra i gh psìvan śugàr sōl di atléta francéś. Da 'l 1925 'l è invéci riservâ a tut tgnénd adrē a 'l clasìfichi mundiàli.

Al nóm dal turnèo, cgnusû anc cuma Open ad Frància, 'l è in unōr ad Roland Garros, un pilòta 'd aparéć francéś dla Prima guèra mundiàla. A s śōga su la tèra batùda rósa e i vinsidōr i ciàpan dumìla punt e 'n aségn ad dū migliòṅ 'd euro.

Tgnénd adrē a 'l palmarès, al śugadōr più vinsènt chè 'l è 'l spagnōl Rafael Nadal ch'l à purtâ a cà déś tìtui, pò a gh'è Björn Borg cun siē. Fra 'l dóni a 'l prim pòst a gh'è l'americàna Chris Evert cun sèt vìnsidi mént'r a 'l secónd a gh'è la tedésca Steffi Graf cun siē.

Fra gl'itagliàṅ a gh'è da nutàr i dū tìtui ad Nicola Pietrangeli (1959 e 1960) e òṅ 'd Adriano Panatta (1976) e dla Francesca Schiavone (2010) ch'l'à fat anc finàł in dal 2011 acsè cuma la rumagnōla Sara Errani 'l an dòp.

• (FR)(EN)(CMN) Al sò sit ufisiàł