L'università dell'odio
Miranduléś|
C'l artìcul chè 'l è scrit in
Miranduléś |
 Higher Learning
| ||
| L'università dell'odio | ||
 La Connelly e la Swanson in na figùra dal film | ||
| L'università d'l òdi 1995 | ||
|---|---|---|
| Regìa: John Singleton | ||
| Scritōr: John Singleton | ||
| Atōr: Omar Epps • Kristy Swanson • Jason Wiles Jennifer Connelly • Michael Rapaport • Ice Cube Tyra Banks • Adam Goldberg • Gwyneth Paltrow | ||
| Müsica: Stanley Clarke | ||
| Léngua: Ingléś | ||
| Dürä dal film: 127 minüt | ||
| Nasiōṅ: Stat Unî | ||
L'università dell'odio (L'università d'l òdi) 'l è 'n film dramàtic americàṅ dal 1995 scrit, dirèt e prudót par John Singleton.
La sò culòna sunóra la pōl cuntàr su di pès dla Tori Amos (Losing My Religion e Butterfly), 'd Ice Cube (Higher), di OutKast (Phobia), di Rage Against the Machine (Year of the Boomerang) e àt'r incóra. La pelìcula l'à fat sù da piò ad trént'òt migliòṅ ad dòlar.
Sunt
'L atléta 'd culōr Malik Williams (Omar Epps), la Kristen Connor (Kristy Swanson) e Remy (Michael Rapaport) i rìv'n a la Columbus University par tacàr al prim an. La ragàsa la spartìs la sò cambra cun la négra Monet (Regina King) méntar Malik al la divìd cun Wayne (Jason Wiles), studènt biànc. I tri nóṿ i gh'aṅ pò la manéra 'd cgnósar di àtar studènt cuma la lèśbica Taryn (Jennifer Connelly) e Fudge (Ice Cube), ch'al mét sù sèmpar la mùśica rap a vólum élt faghénd incasàr Remy. Quànd chi lò al gh 'n à pîni 'l bali al sa spòsta in dla cambra dal studènt ebrèj David Isaacs (Adam Goldberg).
Un dè al studènt Billy (Jay R. Ferguson) al gh la cava a 'ndàr a lèt cun na Kristen imbariàga e al taca a far-al sénsa preservatìṿ. Lē la s arvòlta ma lò al cuntìnua listés. In cal méntar Remy, sèmpar più mis da na banda da tut chi àtar, al và a far-'s un bicér cun Scott Moss (Cole Hauser), un skinhead neonaśìsta ch'al fà grup cun Erik (Talbert Morton), James (Trevor St. John) e 'l musculóś Knocko (Andrew Bryniarski).
Culegamènt estéran
Text is available under the CC BY-SA 4.0 license; additional terms may apply.
Images, videos and audio are available under their respective licenses.
