Al disègn 'l è cla manéra 'd śgumbièr di sègn in sìm'a na quèlc superfìsi, e ch'i staghen a significhèr viśivamèint un quêl per chi 'l li bùta śò, c'ma figurèr dal só idèi imaginàri o anca figurèr dal viśuèli reèli.
A s pōl disgnèr di schìs, di paciûg, di quèl cun na valèinsa artìstica, o tètnica, o architetònica, un disègn giumètric, un disègn ch'al spiéga di quêl, un disègn in sìm'ala sàbia; a 'l dè 'd incō pò, a s disègna anca in vetoriêl dèint'r ind un quèlc progràma a 'l pc, e a gh'è pò anca i fumèt ch'i s servìsen ed strìsi disgnèdi, p'r an cuntèr di disègn animê, indû i disègn i rapreśàinten el só prìmi pert più elementèri, ch'i gnaràn pò elaborèdi in sucesiòun per 'rivèr a l'animasiòun finèla dal só filmèin.
Per disgnèr di quêl, a s'rèv anc abàsta na pèna basta ch'a sia, mo p'r èser precîś, el diferèinti spéci 'd disègn i gh'àn biśògn di só strumèint: e dòunca a s gh'avrèv da druèr di bē lapis dala punta più o meno tendra (c'm'anca di carbunsèin) a s'gònda dal scurèsi e sfumadùri ch'a s vōl dèr a 'l disègn, e la superfìsi da druèr la prèv èser anc la piò diferènta, mo anc chè a srèv méj druèr al fond piò giost per quèl ch'a s gh'à da disgnèr: di bē fōj 'd chèrta, lìsa o crespa, più o meno tendra, o dla tela, o dal lègn, dal mùr o dal pavimèint p'r i madunêr, p'r eśèimpi.

• 
  Al vōl ed 'n uśêl.
• 
  Un disègn ed na màchina per ciapèr al vōl.
• 
  N'ètra màchina per vulèr.
• 
  'N èter preparatîv per ciapèr al vōl cun na màchina.
• 
  'N disègn ed 'n elicóter.

• 
  Un disègn tètnic 'd un canunsèin di inìsi dal Novsèint.
• 
  Dal pinsèdi p'r un bust ed cal dòni.
• 
  Un stùdi p'r al stèma dal presidèint americàṅ.
• 
  Un disègn dal cadèini muntèdi in sim'a na róda, in dla metê di an Trèinta.

• 
  Un disègn dal capitêl ed na culòuna ed 'l architèt Enrico Marconi edl Otsèint.
• 
  Un disègn dal Pallàdio edla Vìla Capra o Vìla La Rotonda ed Vicèinsa.
• 
  Al disègn dal Carlo Fontana per la schèla régia edla baśìlica ed San Péder in Vaticàṅ, dla fin dal Sesèint.
• 
  Na progetasiòun 'd intèren, vduda da l'élta.

• 
  Al disègn 'd giumetrìa ch'al servìs a 'l mìster per spieghèr in clâs.
• 
  Al disègn edla figùra ed 'n etàgon regolêr.
• 
  Un disègn a 'l pc in sìm'a 'l sesiòun cónichi.
• 
  Un disègn ed giumetrìa diferensièla.

• 
  Un papagâl disgnê vetorialmèint cun tùt i rîg śuntê-gh atàc col spiegasiòun di só pcòun.
• 
  Un fiōr disgnê in vetoriêl dàint'r a 'l pc.
• 
  Na silhouette ed dòna imperśunèda sòt'a 'n bicēr a cûl a l'élta.

• 
  Soquànti strìsi 'd un fumèt americàṅ di an Vèint.
• 
  Na strìsia 'd fumèt americàṅ dal 1922.
• 
  Na pàśna dal fumèt americàṅ Jungle Comics dal 1946.

• 
  Un disègn ed na làmpada per na féra dal 1962.
• 
  Un disègn 'd un mubilèt col giradìs'c.

• 
  Un disègn animê in sìm'a 'l gât Felix, 'd inìsi Novsèint.
• 
  Al gât Felix drē a caminèr.

• schìs
• fumèt
• disègn animê
• pitùra
• scultùra

• Wikimedia Commons contiene file multimediali su Disègn
• Wikizionario contiene la voce di dizionario «Disègn»
• (EN) Al colegamèint ala Wikiversitê ingléśa.

• (IT) D'indû a deśvìn al só nòm in sìm'a etimo.it.