L’Amber Levonchuck, cgnusùda méj cuma Amber Rose (Filadèlfia, 21 'd Utóbar dal 1983) l'è na mudèla, stilìsta, persunàǵ televiśìṿ e atōra americàna. L'è stada la muróśa dal marè dla Kim Kardashian, al rapper Kanye West^[1].

Nada in Pennsylvania da 'n pàdar militàr cun di urìgini irlandéśi e itagliàni ciamâ Michael Levonchuck, la ciàpa 'l cugnóm da la màdar Dorothy Rose. Par far sù di bèsi e jutàr la sò famìja, quànd la gh'iva quìnd'ś an l'à fat di spetaculèṅ in du la s cavàva śò druànd al nóm ad Paris. In séguit la s è fata cgnósar faghénd dla reclàm su i giurnài par la Louis Vuitton cun la lìnea Kanye West e girànd di vìddeo muśicài p'r i Massive Attack, par Young Jeezy, par Ludacris e àt'r incóra.

In dal Luj dal 2013 l'à spuśâ al rapper Wiz Khalifa, avénd un fiōl da lò, ma tri an dòp l'à divursiâ.

In dal 2016 l'à tòlt part cuma cuncurènta a la versiòṅ americàna ad Balànd c'n al stéli.

Esénd ch'la gh'iva dal téti tròp grôsi, ch'i la fàvan patìr a livèl ad schina, in dal 2018 l'à decìś ad far na mastuplàstica caladōra^[2].

• 2012 - Gang of Roses 2: Next Generation, regìa ad Jean-Claude La Marre
• 2014 - School Dance, regìa ad Nick Cannon
• 2015 - Sister Code, regìa ad Corey Grant
• 2016 - What Happened Last Night, regìa ad Candice T. Cain

• (EN) La sò paśna su Twitter
• (EN) Filmugrafìa in s'l IMDb