राष्ट्रिय जनमोर्चा
राष्ट्रिय जनमोर्चा नेपालो यक राजनीतिक दल हो। येइले संविधान सभा निर्वाचन २०६४ मी भाग लीराइथ्यो। तै निर्वाचन मी येइ दल भठेइ ४ जना सभासदअन निर्वाचित होइरैथ्या। तन सभासदअन –चित्रबहादुर के.सी., सन्तबहादुर नेपाली, रश्मिराज नेपाली रे मिना पुन हुन। २०७० साल का संविधान सभाः निर्वाचन मी यो मोर्चा, गिलास चुनाव चिन्ह लीबर मैदान उतर्याः थ्यो। तै निर्वाचन मी येइ मोर्चाको “गणतन्त्रलाई संस्थागत गरौं, राष्ट्रियताको रक्षा गरौं, संघीयताको विरोध गरौं” भण्ण्या मूल नारा थ्यो। येइ दला अध्यक्ष चित्रबहादुर के.सी. तथा महासचिव सन्तबहादुर नेपाली हुन्। यो मोर्चा, नेपाल कम्युनिष्ट पार्टीयो(मसालो) वैधानिक मोर्चा हो। संघीयता ले नेपालो राष्ट्रियता, सार्वभौमिकता तथा अखण्डता मी हानी पुग्द्या मोर्चायि भणाइ छ। विदेशीइना इशारा मी नेपाल मी संघीयता भितरीया हो भण्या येइ मोर्चाः मान्यता रैरैछ। अतः संघीयता नाइचाइनो, देश टकुण्याउन नाइपाइनो भणीबर येइले लगालग संघर्ष अद्दोइ आइरैछ। येइ मोर्चाः केन्द्रीय कार्यालय कपन, काठमाडौं मी छ।
सन्दर्भअन
[सम्पादन • स्रोत सम्पादन]Text is available under the CC BY-SA 4.0 license; additional terms may apply.
Images, videos and audio are available under their respective licenses.