Teulu

Enghraifft o'r canlynol	cyfres deledu
Daeth i ben	2012
Dechrau/Sefydlu	2008

Cyfres ddrama deledu ar S4C oedd Teulu, yn adrodd hanes teulu o Aberaeron. Darlledwyd pum cyfres rhwng 2008 a 2012.^[1]

Ym mhennod gyntaf y gyfres, yn sgîl marwolaeth annisgwyl Dr Walt, tad-yng-nghyfraith Hywel, fe’i gorfodir i wynebu’r ffaith mai dymuniad penna’ ei wraig yw symud ’nôl i Aberaeron i fyw. I Hywel, sy’n feddyg llwyddiannus yn Llundain, mae’r syniad yn anathema llwyr. Chwalwyd bywyd dedwydd y teulu gyda’r datguddiad mai Dr John, nid Richard Morgan, oedd tad Hywel. Cafwyd mwy o gyfrinachau hefyd, wrth i Hywel, sy’n cael ei bortreadu gan Geraint Morgan, gael perthynas gyda’i gydweithiwr a darpar wraig ei frawd, Dr Manon. Gorffenodd y gyfres gyntaf gyda'r gwylwyr ar bigau'r draen yn dilyn priodas Llŷr a Dr Manon a thrawiad Dr John.

Yn yr ail gyfres, mae Llŷr ar fin agor clwb newydd ar y maes carafannau mae’n rhedeg ar dir y teulu. Mae e a Manon, sy’n cael ei chwarae gan Catrin Morgan, yn paratoi i symud o Fryncelyn i gartref newydd. Bydd y drydedd gyfres yn cael ei darlledi yn Hydref 2010.

Teitl Gwreiddiol: Teulu

Blwyddyn: 2008, 2010

Hyd y Ffilm: 60 munud bob pennod

Cyfarwyddwr: Delyth Thomas, Sion Humphreys, Rhys Powys, Gareth Rowlands

Sgript gan: Meic Povey, Branwen Cennard

Stori gan: Geraint Lewis

Cynhyrchydd: Branwen Cennard

Cwmnïau Cynhyrchu: Boomerang

Genre: Drama

• William Thomas (Richard)
• Mair Rowlands (Margaret)
• Geraint Morgan (Hywel)
• Rhys ap Hywel (Llyr)
• Rhian Jones (Llinos)
• Gaynor Morgan Rees (Dot)
• Heledd Baskerville (Catrin)
• Zak Daly (Owain)
• Jonathan Nefydd (Danny)
• Rhys Parry Jones (Dr John)
• Eiry Thomas (Eirlys)
• Catrin Morgan (Manon)
• Lydia Jones (Meleri)
• Dewi Rhys Williams (Eric)
• Meilyr Sion (Rhydian Lloyd)
• Bradley Freegard (Steffan)
• Steffan Rhodri (Danny)
• Beth Robert (Myra)
• Matthew Gravelle (Huw)

• Ray Orton, Tony Yates

• Phil Rawsthorne

• Dyfan Jones

• Tom Logan, Andy Powell, Rolant Jones

• Sara Jones, Angharad Owen

Fformat Saethu: Clir Lun

Math o Sain: Stereo

Lliw: Lliw

Cymhareb: Agwedd 16:9

Gwlad: Cymru

Iaith Wreiddiol: Cymraeg

Lleoliadau Saethu: Aberaeron, Caerdydd

Mae'r erthygl hon yn cynnwys testun o'r cofnod Teulu ar yr Esboniadur, adnodd addysgiadol agored gan y Coleg Cymraeg Cenedlaethol. Mae gan y cofnod penodol hwnnw'r drwydded agored CC BY 4.0; gweler testun y drwydded am delerau ail-ddefnyddio'r gwaith.