Taulupe Faletau
Taulupe Faletau | |
---|---|
![]() | |
Ganwyd | 12 Tachwedd 1990 ![]() Tofua ![]() |
Dinasyddiaeth | ![]() |
Alma mater | |
Galwedigaeth | chwaraewr rygbi'r undeb ![]() |
Taldra | 188 centimetr ![]() |
Pwysau | 109 cilogram ![]() |
Chwaraeon | |
Tîm/au | Tîm rygbi'r undeb cenedlaethol Cymru, Y Dreigiau, Y Llewod Prydeinig a Gwyddelig, Bath Rugby, Tîm rygbi'r undeb cenedlaethol Cymru dan 20 oed, Rygbi Caerdydd ![]() |
Safle | Wythwr ![]() |
Chwaraewr rygbi'r undeb sy'n chwarae i Ddreigiau Casnewydd Gwent a Chymru yw Tangaki Taulupe "Toby" Faletau (ganed 12 Tachwedd 1990, Tofua, Tonga). Chwaraeodd Faletau fel blaenasgellwr i Crosskeys RFC cyn ymuno gyda Dreigiau Casnewydd Gwent.
Addysg
[golygu | golygu cod]Addysgwyd Taulupe yn ysgol gynradd Pont y Gôf yng Nglyn Ebwy cyn iddo symud i Ysgol Gymunedol Trefddyn.
Gyrfa
[golygu | golygu cod]Chwaraeodd Faletau i Bant-teg hyd nes iddo gyrraedd lefel ieuenctid, cyn symud i chwarae ym Mryste am gyfnod. Chwaraeodd ei gem gyntaf i Ddreigiau Casnewydd Gwent ym mis Tachwedd 2009 yn erbyn Caeredin.
Enwyd Faletau fel aelod o garfan dan 20 Cymru ym mis Rhagfyr 2009 ar gyfer Pencampwriaeth y Chwe Gwlad. Cafodd hefyd ei ddewis fel aelod o garfan Cwpan Ieuenctid y Byd a gynhaliwyd yn yr Ariannin ym mis Mehefin 2010.
Galwyd arno i ymuno gyda phrif garfan Cymru ym mis Tachwedd 2010 a chafodd ei gynnwys yng ngharfan Tîm cenedlaethol Cymru ym mis Ionawr 2011 ar gyfer Pencampwriaeth y Chwe Gwlad. Chwaraeodd ei gem gyntaf dros Gymru yn erbyn y Barbariaid ar 4 Mehefin 2011. Hefyd ym Mehefin 2011, fe enwyd Faletau fel 'Chwaraewr Ifanc y Flwyddyn' i Ddreigiau Casnewydd Gwent.[1]
Ym mis Awst 2011, fe'i enwyd yng ngharfan Cymru ar gyfer Cwpan y Byd 2011 yn Seland Newydd. Sgoriodd ei gais rhyngwladol cyntaf yn ei gem gyntaf yn y gystadleuaeth ar 11 Medi 2011 yn erbyn De Affrica.[2][3]
Cyfeiriadau
[golygu | golygu cod]- ↑ Erthygl Golwg360 - Gwobrwyo Brew a Faletau
- ↑ Erthygl Golwg360 - Cymru o fewn dim
- ↑ "Gwefan Undeb Rygbi Cymru". Archifwyd o'r gwreiddiol ar 2016-03-04. Cyrchwyd 2011-10-22.
Dolenni allanol
[golygu | golygu cod]- Proffil ar Wefan Undeb Rygbi Cymru Archifwyd 2015-09-26 yn y Peiriant Wayback
Text is available under the CC BY-SA 4.0 license; additional terms may apply.
Images, videos and audio are available under their respective licenses.