Robert Lambert Gapper
| Robert Lambert Gapper | |
|---|---|
| Ganwyd | 1897  Llanaelhaearn |
| Bu farw | 1984 |
| Dinasyddiaeth |  Cymru |
| Galwedigaeth | arlunydd, cerflunydd |
| Cyflogwr | |
Cerflunydd a darlithydd Celf o Gymru oedd Robert Lambert Gapper neu R L Gapper (ganwyd 15 Ebrill 1897 Llanaelhaearn, Gwynedd - 1984). Dyluniodd logo Urdd Gobaith Cymru.
Caiff ei ystyried yn un o brif cerflunwyr Cymru yn yr 20g a chafodd ei anrhydeddu am ei waith dros gelf Cymreig gan yr Eisteddfod Genedlaethol yn gynnar yn ei yrfa pan wahoddwyd ef i fod yn aelod o Gyngor yr Eisteddfod yn 1930, a'r Llys yn ddiweddarach.[1] Roedd hefyd yn aelod o Gyngor Urdd Gobaith Cymru.
Gwenithfaen a llechen oedd ei hoff gyfrwng ac ar adegau defnyddiai efydd a phren. Lluniodd lawer o gofebau, cerrig beddau, penddelwau a dodrefn eglwysig a hynny gyda defnyddiau lleol. Lluniodd hefyd lawer o offer neu ddodrefn eisteddfodol gan gynnwys medalau, tystysgrifau a theyrndlysau. Gweithiai'n ddieithriad i gomisiwn. Yn 1934 cafodd ei wneud yn Brif-ddarlithydd Celf ym Mhrifysgol Aberystwyth a bu yno hyd at 1962.[2]
Gweler hefyd
[golygu | golygu cod]- David Hughes Parry, cefnder
Cyfeiriadau
[golygu | golygu cod]- ↑ www.archiveswales.org.uk / Llyfrgell Genedlaethol Cymru; Archifwyd 2016-03-05 yn y Peiriant Wayback adalwyd 25 Ebrill 2015
- ↑ museum.aber.ac.uk; adalwyd 17 Mawrth 2017.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
