Gwesty The Beaufort Arms, Trefynwy
 | |
| Math | gwesty, tafarn, adeilad hanesyddol  |
|---|---|
| Sefydlwyd |
|
| Daearyddiaeth | |
| Lleoliad | Trefynwy |
| Sir | Sir Fynwy |
| Gwlad |  Cymru |
| Uwch y môr | 24.2 metr |
| Cyfesurynnau | 51.812°N 2.71496°W |
| Cod OS | SO 50808 12838 |
| Cod post | NP25 3UA |
 | |
| Statws treftadaeth | adeilad rhestredig Gradd II* |
| Manylion | |
Gwesty a thafarn yn Nhrefynwy, Sir Fynwy, Cymru, ydy Gwesty'r Beaufort Arms sy'n dyddio nôl i'r 18g. Mae ffrynt y gwesty, fodd bynnag, yn fwy diweddar gan iddo gael ei foderneiddio yn Oes Victoria, fwy na thebyg gan y pensaer lleol, sef George Vaughan Maddox, a hynny yn y 1830au.[1] Ceir ysgrifen wedi'i naddu ar garreg cornis yn y bloc canol, sy'n darllen: "The Beaufort Arms".[2] Cofrestrwyd yr adeilad fel Gradd II* ym Mehefin 1952.[3]
Mae'n un o ddau-ddeg-pedwar adeilad yn Nhrefynwy sydd ar y Llwybr Treftadaeth (plac glas).
Pensaerniaeth
[golygu | golygu cod]Mae'r gwesty y drws nesaf i Neuadd y Sir. Ceir buarth neu iard helaeth yn y cefn gyda stablau ar gyfer ceffylau tynnu coetsis. Trowyd yr adeilad yn fflatiau a siopau yn 1989.[1] Adferwyd y tu fewn gryn dipyn i gydymffurfio gyda Rheolau Adeiladu a Chynllunio; yr unig henebau o ddiddordeb sydd ar ôl, bellach, ydy'r cyntedd gyda'i golofnau Ionic a rhan o'r grisiau.[2]
Mae'n un o ddau-ddeg-pedwar adeilad yn Nhrefynwy sydd ar y Llwybr Treftadaeth (plac glas).
Hanes
[golygu | golygu cod]Fe alwyd yr adeilad hwn ar ôl Dug Beaufort: perchennog y tir ar y pryd. Yn ôl Charles Heath, a sgwennai yn 1804, cyfuniad oedd y gwesty o ddau adeilad cynharach: dau tenement - y naill yn gigydd a'r llall yn werthwr grawn.[4] Ar ddechrau'r 18g, daeth Mr John Tibbs yn berchennog a lluniodd arwydd i'r Gwesty sef llun portculis. Wedi codi Neuadd y Sir, daeth y gwesty'n lle poblogaidd iawn: a hynny yn 1724. Dywedir fod y balconi sy'n wynebu Sgwâr Agincourt ar adegau'n cael ei ddefnyddio gan y Dug Beaufort i annerch y dorf, cyn ethoiladau.[2]
Gweler hefyd
[golygu | golygu cod]Cyfeiriadau
[golygu | golygu cod]- ↑ 1.0 1.1 The Buildings of Wales: Gwent/Monmouthshire, tudalen 405
- ↑ 2.0 2.1 2.2 Beaufort Arms Archifwyd 2016-03-03 yn y Peiriant Wayback, Royal Commission on the Ancient Monuments of Wales, Adalwyd Ionawr 2012; gwefan Coflein.
- ↑ Beaufort Arms, British Listed Buildings, Adalwyd Ionawr 2012
- ↑ Charles Heath (1804) Historical and Descriptive Accounts of the Ancient and Present State of the Town of Monmouth
Text is available under the CC BY-SA 4.0 license; additional terms may apply.
Images, videos and audio are available under their respective licenses.
