Edward Morgan Humphreys
Ganwyd	14 Mai 1882  Dyffryn Ardudwy
Bu farw	11 Mehefin 1955  Caernarfon
Dinasyddiaeth	Cymru
Alma mater	Ysgol Sir Abermaw
Galwedigaeth	newyddiadurwr

Newyddiadurwr a nofelydd oedd Edward Morgan Humphreys (14 Mai 1882 – 11 Mehefin 1955), yn frodor o Ddyffryn Ardudwy, Meirionnydd (Gwynedd). "Celt" oedd ei lysenw adnabyddus.

Yn 1905 ymunodd E. Morgan Humphreys â staff Y Genedl Gymreig yng Nghaernarfon a chafodd ei benodi'n olygydd y papur 4 mlynedd yn ddiweddarach. Golygodd hefyd The North Wales Observer ac Y Goleuad ac roedd yn gyfranydd cyson fel colofnydd ac adolygydd i'r Manchester Guardian a'r Liverpool Daily Post dan y ffugenw "Celt".

Ymroddodd E. Morgan Humphreys i ysgrifennu nofelau antur a ditectif cyfaddas i bobl ifanc yng Nghymru a gwnaeth gymwynas fawr trwy lenwi'r bwlch hwnnw gan fod pobl ifanc y cyfnod, fel heddiw, yn tueddu i droi at lyfrau Saesneg. Er eu bod yn storïau wedi'u anelu at blant yn eu harddegau yn bennaf maent yn hynod ddarllenadwy ac yn ddiddorol i oedolion yn ogystal.

Ysgrifennodd yn ogystal lyfr ar hanes y wasg yng Nghymru a dwy gyfrol o bortreadau o enwogion Cymru, ynghyd â chyfieithiad o Cwm Eithin, clasur Hugh Evans.

• Dirgelwch yr Anialwch (1911)
• Rhwng Rhyfeloedd (1924)
• Yr Etifedd Coll (1924)
• Y Llaw Gudd (1924)
• Dirgelwch Gallt Y Ffrwd (1938)
• Ceulan y Llyn Du (1944)
• Llofrudd yn y Chwarel (1951)

• Y Wasg Gymraeg (1945)
• The Gorse Glen (1948). Cyfieithiad o Cwm Eithin gan Hugh Evans.
• Gwŷr Enwog Gynt (1950, 1953)

• R. T. Jenkins, Ymyl y Ddalen (Wrecsam, 1957), tt. 175-189
• Bedwyr Lewis Jones, yn Dewiniaid Difyr, gol. Mairwen a Gwynn Jones (Llandysul, 1983)

• Clwb Awen a Chân

Llyfrau E. Morgan Humphreys
Ceulan y Llyn Du | Dirgelwch Gallt y Ffrwd | Dirgelwch yr Anialwch | Yr Etifedd Coll | Y Llaw Gudd | Llofrudd yn y Chwarel | Rhwng Rhyfeloedd