Cystadleuaeth Cân Eurovision 2008
"Confluence of Sound" ("Cydlifiad Sain")
Dyddiad(au)
Rownd cyn-derfynol 1	20 Mai 2008
Rownd cyn-derfynol 2	22 Mai 2008
Rownd terfynol	24 Mai 2008
Cynhyrchiad
Cyflwynyddion	Jovana Janković Željko Joksimović
Cystadleuwyr
Tynnu'n ôl	Awstria
Canlyniadau
◀2007 Cystadleuaeth Cân Eurovision 2009▶

Cystadleuaeth Cân Eurovision 2008 oedd y 53ydd Cystadleuaeth Cân Eurovision, a gynhaliwyd yn Serbia. Cynhaliwyd y rowndiau cyn-derfynol ar yr 20fed a'r 22ain o Fai, gyda'r rownd derfynol yn cael ei chynnal ar y 24ain o Fai 2008 yn y brifddinas Belgrade. Rwsia enillodd y gystadleuaeth, gyda chân Jim Beanz a Dima Bilan o'r enw "Believe" a berfformiwyd gan Bilan. Mae Arena Belgrade Arena, sef lleoliad y Gystadleuaeth, ymysg yr arenas dan-do fwyaf yn Ewrop, a gall ddal dros 20,000 o bobl. Enillodd Serbia'r hawl i gynnal y gystadleuaeth ar ôl i Marija Šerifović ennill y gystadleuaeth yn 2007 yn Helsinki, y Ffindir. Darlledwyd y digwyddiad gan RTS.

Agorodd gwefan swyddogol cystadleuaeth 2008 ar y 15fed o Ionawr 2008. Am y tro cyntaf erioed, darlledodd Eurovision.tv y rowndiau terfynol cenedlaethol ar ESCTV gyda chaniatad y darlledwyr. Ar y 30ain o Ionawr, 2008, datgelodd Eurovision.tv thema'r Gystadleuaeth sef "Cydlifiad Sain", thema a ysbrydolwyd gan leoliad Belgrade ar gydlifiad yr afonydd Sava a'r Danube. Cyflwynwyd y sioe gan Jovana Janković a Željko Joksimović. Cynrychiolodd Jelena Tomašević Serbia gyda chân a gyfansoddwyd gan Joksimović; arweiniodd hyn at gryn dipyn o ddadlau ynglŷn â'r rôl yn y gystadleuaeth.

Ar 24ydd Ionawr 2008, tynnwyd enwau allan o het i weld pa wledydd a fyddai'n ymddangos yn y rownd gyn-derfynol cyntaf neu'r ail. Rhannwyd gwledydd i mewn i chwech pot yn unol a phatrymau pleidleisio cystadlaethau blaenorol. Yna, tynnwyd enwau allan o'r chwech pot i benderfynu pa wledydd fyddai yn y rownd gyn-derfynol gyntaf a phwy fyddai yn yr ail rownd gyn-derfynol. Penderfynwyd hefyd y bydda'r Almaen a Sbaen yn pleidleisio yn y rownd gyn-derfynol gyntaf, tra bod Ffrainc, Serbia a'r Deyrnas Unedig yn pleidleisio yn yr ail rownd gyn-derfynol.

• Digwyddodd y rownd cyn-derfynol gyntaf ym Melgrade ar y 20fed o Fai.
• Aeth y naw gwlad a dderbyniodd y nifer fwyaf o bleidleisiau ar y ffôn i'r rownd derfynol ar yr 24ydd o Fai.
• Penderfynodd y rheithgor ar y degfed gwlad i fynd trwyddo.
• Pleidleisiodd Sbaen a'r Almaen yn y bleidlais hon.
• Dengys y lliw peach pa wledydd aeth drwyddo i'r rownd derfynol.
• Dengys y lliw mwstard y wlad a ddewiswyd gan y rheithgor i fynd drwyddo i'r rownd derfynol.

O'r het	Gwlad	Iaith	Artist	Cân	Cyfieithiad Saesneg	Safle	Pwyntiau
01	Montenegro	Montenegreg	Stefan Filipović	"Zauvijek volim te"	I love you forever	14	23
02	Israel	Hebraeg, Saesneg	Boaz Ma'uda	"The Fire in Your Eyes"	-	5	104
03	Estonia	Serbeg, Almaeneg, Ffineg	Kreisiraadio	"Leto svet"	Summer light	18	8
04	Moldofa	Saesneg	Geta Burlacu	"A Century of Love"	-	12	36
05	San Marino	Eidaleg	Miodio	"Complice"	Accomplice	19	5
06	Gwlad Belg	Iaith ddychmygol[1]	Ishtar	"O Julissi"	-	17	16
07	Aserbaijan	Saesneg	Elnur a Samir	"Day After Day"	-	6	96
08	Slofenia	Slofeneg	Rebeka Dremelj	"Vrag naj vzame"	To hell with it	11	36
09	Norwy	Saesneg	Maria Haukaas Storeng	"Hold On Be Strong"	-	4	106
10	Gwlad Pwyl	Saesneg	Isis Gee	"For Life"	-	10	42
11	Iwerddon	Saesneg	Dustin the Turkey	"Irelande Douze Pointe"	Ireland, twelve points	15	22
12	Andorra	Saesneg, Catalaneg	Gisela	"Casanova"	-	16	22
13	Bosnia-Hertsegofina	Bosnieg	Laka	"Pokušaj"	Try	9	72
14	Armenia	Saesneg, Armeneg	Sirusho	"Qélé, Qélé" (Քելե Քելե)	Come on, come on	2	139
15	Yr Iseldiroedd	Saesneg	Hind	"Your Heart Belongs to Me"	-	13	27
16	Y Ffindir	Ffineg	Teräsbetoni	"Missä miehet ratsastaa"	Where men ride	8	79
17	Rwmania	Rwmaneg, Eidaleg	Nico and Vlad	"Pe-o margine de lume"	On an edge of the world	7	94
18	Rwsia	Saesneg	Dima Bilan	"Believe"	-	3	135
19	Gwlad Groeg	Saesneg	Kalomira	"Secret Combination"	-	1	156