Bwrdd Iechyd Prifysgol Bae Abertawe yw un o saith o fyrddau iechyd Cymru.

Bwrdd Iechyd Prifysgol Bae Abertawe

Enghraifft o'r canlynol	byrddau Iechyd Cymru
Isgwmni/au	Ysbyty Glanrhyd, Ysbyty Singleton, Ysbyty Treforus, Abertawe, Ysbyty Athrofaol y Faenor, Ysbyty Cefn Coed, Ysbyty Fairwood
Gwladwriaeth	y Deyrnas Unedig
Rhanbarth	Abertawe
Gwefan	https://swanseabay.nhs.wales/

Bwrdd Iechyd Prifysgol Abertawe Bro Morgannwg oedd bwrdd iechyd lleol sy'n gwasanaethu Abertawe, Sir Pen-y-bont ar Ogwr, Caerffili, Castell-nedd Port Talbot, y rhan orllewinol o Fro Morgannwg ac Ystradgynlais ym Mhowys.

Sefydlwyd Bwrdd Iechyd Prifysgol Abertawe Bro Morgannwg yn ffurfiol ar 1 Hydref 2009 pan unwyd Ymddiriedolaeth GIG Prifysgol Abertawe Bro Morgannwg â Byrddau Iechyd Lleol Abertawe, Castell-nedd Port Talbot a Phen-y-bont ar Ogwr. Mae pencadlys y bwrdd wedi ei leoli ym Mae Baglan. Prif Weithredwr cyntaf y bwrdd oedd Paul Williams. Ffurfiwyd Ymddiriedolaeth GIG Prifysgol Abertawe Bro Morgannwg ar 1 Ebrill 2008 yn dilyn uno Ymddiriedolaethau GIG Abertawe a Bro Morgannwg .

Bwrdd Iechyd Prifysgol Abertawe Bro Morgannwg yw'r ail fwrdd iechyd mwyaf yng Nghymru, yn gwasanaethu 600,000 o bobl ac yn cyflogi 16,000 o staff. Mae gan y bwrdd chyllideb o fwy na £1.3 biliwn y flwyddyn. Mae'r bwrdd yn rheoli 18 o ysbytai a 46 o glinigau a chanolfannau iechyd. Mae wedi ei ddynodi yn ymddiriedolaeth brifysgol sy'n gysylltiedig â Phrifysgol Abertawe.^[1] Mae canolfannau hyfforddi wedi'u lleoli yn Ysbyty Singleton^[2],^[3] a Chlinig Orthopaedig y Plant, Phillips Parade, Abertawe^[4].

Ysbytai acíwt yn cael eu dangos mewn llythrennau cyffredin a chlinigau yn cael eu dangos mewn llythrennau italig:

• Clinig Angelton  – clinig i bobl Oedrannus Eiddil eu Meddwl (EMI) uned sy'n gofalu am gleifion oedrannus ym Mhen y bont ar Ogwr. Mae'n cynnig gwasanaethau i'r rhai sydd â chlefyd Alzheimer yn bennaf.
• Glinig Caswell – uned diogelwch canolig wedi ei leoli ar safle Ysbyty Glan-rhyd. 
• Ysbyty Cefn Coed – ysbyty seiciatrig
• Ysbyty Cimla  – ysbyty gofal henoed a chanolfan adsefydlu ar gyfer cleifion o Ysbyty Castell-nedd Port Talbot
• Ysbyty Clydach – yn darparu amrywiaeth o wasanaethau clinigol
• Ysbyty Fairwood – canolfan gofal dilynol ar gyfer cleifion o Ysbyty Singleton ac Ysbyty Treforys, mae'n cynnwys gwelyau gofal lleol ar gyfer meddygon teulu
• Ysbyty Garngoch  – gofal henoed
• Ysbyty Gellinudd – ysbyty gofal henoed ac adsefydlu ym Mhontardawe
• Ysbyty Glanrhyd (1857–) – yn darparu gofal dilynol, cyfleusterau iechyd meddwl ac uned gofal dydd, wedi ei leoli ym Mhen-y-fai 

• Ysbyty Gorseinon  – gofal henoed ac adsefydlu.  Mae gan yr ysbyty adran gleifion allanol a chlinig arbenigol i drin clefyd Parkinson 
• Unedau Anableddau Dysgu –  mae'r bwrdd yn gyfrifol am ddarparu cartrefi, unedau asesu ac unedau gofal i bobl sy'n byw gydag anableddau dysgu gan gynnwys:
  • Dan-y-bont (Mynyddcynffig)
  • Hafod y Wennol  (Pont-y-clun)
  • Bryn Afon (Glynrhedynog)
  • Medow Court (Tonyrefail)
  • Tŷ Garth Newydd (Pentre'r Eglwys)
  • Tŷ Penfro (Caerdydd)
  • The Laurels a The Briary (Caerdydd)
  • Rowan House  (Caerdydd)
  • Llywneryr  (Abertawe)
  • Dan-y-Deri (Abertawe)
  • Llety Newydd (Caerdydd)

• Ysbyty Cymunedol Maesteg  (1912–) – mae'r ysbyty yn darparu  ar gyfer cleifion preswyl gan gynnwys canolfan ddydd, gofal cymunedol a gofal dilynol. Mae yma hefyd adran cleifion allanol a llawfeddygaeth ddydd ar gyfer yr ardal leol. 
• Ysbyty Treforys, (Abertawe) – Ysbyty hyfforddi prifysgol 
• Ysbyty Castell nedd Port Talbot (Port Talbot) – ysbyty lleol cyffredinol ^[5]
• Clinig Pencoed  – a ddefnyddir yn bennaf ar gyfer cynllunio teulu a bydwreigiaeth
• Ysbyty Tywysoges Cymru (Pen-y-bont) – ysbyty lleol cyffredinol^[6]
• Ysbyty Singleton (Abertawe) – Ysbyty hyfforddi prifysgol
• Ysbyty Tonna – canolfan gofal seiciatrig ar gyfer yr henoed yn ardal Castell-nedd, gan gynnwys ysbyty gofal dydd 

• Ysbyty Hill House – wedi ei gau yn 2013, roedd yn cael ei ddefnyddio fel ysbyty ynysu yn wreiddiol cyn ei droi yn ysbyty adsefydlu.
• Ysbyty Parc Gwyllt  – (1887-1994), cyn ysbyty gofal iechyd meddwl. Safle Carchar y Parc, Pen y bont ar Ogwr bellach.^[7]
• Ysbyty Cefn Hirgoed  – (1906-1990), cyn ysbyty ynysu ac yna ysbyty ar gyfer yr henoed a'r anabl. Cafodd ei ddymchwel i wneud lle i Ganolfan Siopa'r Dderwen, Pen y bont.^[8]
• Ysbyty Heddfan  – (1906-1980), cyn ysbyty ynysu, wedi ei ddymchwel i wneud lle ar gyfer traffordd yr M4.
• Ysbyty Cyffredinol Pen-y-bont  – cyn wyrcws a daeth yn ysbyty lleol cyffredinol ym 1900.^[9]
• Ysbyty Penfai  – ysbyty iechyd meddwl, is adran o Ysbyty Parc Gwyllt
• Ysbyty Maesgwyn  – wedi ei gau yn 2011, cyn ysbyty cymunedol.
• Ysbyty Blackmill  ar gau ers 1985, cyn ysbyty cymunedol.
• Ysbyty Llynfi 
• Ysbyty Groeswen- Port Talbot, sydd Bellach yn stad o dai
• Ysbyty Cyffredinol Port Talbot  - wedi ei leoli yn Sandfields, Port Talbot - symudwyd y gwasanaethau i Ysbyty Castell nedd Port Talbot
• Ysbyty Hensol  (1930-2003) – cyn ysbyty anabledd dysgu.

Mae'r gan y bwrdd iechyd 9 o Dimau Iechyd Meddwl Cymunedol (TIMC):^[10]

• TIMC Gogledd Pen-y-bont   – wedi ei leoli yn Ysbyty Cymunedol  Maesteg
• TIMC De Pen-y-bont wedi ei leoli yn Uned Iechyd Meddwl Heol Quarella  Pen-y-bont
• TIMC Gorllewin y Fro wedi ei leoli yng Nghanolfan Iechyd y Bont-faen

• TIMC Gogledd Castell-nedd Port Talbot – wedi ei leoli ym Mhontardawe
• TIMC De Castell-nedd Port Talbot – wedi ei leoli yng Nghanolfan y Forge, Port Talbot

• TIMC Gorllewin Abertawe (Ardal 1) – wedi ei leoli yn y Clinig Canolog yn Abertawe
• TIMC Canol Abertawe (Ardal 2) – wedi ei leoli yn y Clinig Canolog yn Abertawe
• TIMC Gogledd Abertawe (Ardal 3) – wedi ei leoli yn Ysbyty Coffa'r Rhyfel Clydach^[11]

• TIMC Ystradgynlais – wedi ei leoli yn The Larches, Ystradgynlais

Yn 2015-6 danfonodd y bwrdd 1,599 o gleifion i ddarparwyr yn y sector preifat ar gyfer gweithdrefnau dewisol i leihau amseroedd aros, ar gost o £3.74 miliwn, o gymharu â 317 yn 2014-5 a 160 yn 2013-4.^[12]

v t e Iechyd Cymru
Iechyd Cymru	GIG Cymru Galw Iechyd Cymru Byrddau iechyd Cymru Gwasanaeth Ambiwlans Cymru Rhestr ysbytai Cymru Gwasanaeth Gwaed Cymru
Hanes	Meddygon Myddfai (chwedlonol) Rhestr gwelliannau meddygol Cymru
Meddygaeth	Prif Swyddog Meddygol: Frank Atherton BMA Cymru Wales Y Gymdeithas Feddygol Cymdeithas Lawfeddygol Cymru
Llywodraethiant	Gweinidog Iechyd: Mark Drakeford Iechyd Cyhoeddus Cymru
Byrddau iechyd Cymru	Bwrdd Iechyd Prifysgol Bae Abertawe Bwrdd Iechyd Prifysgol Aneurin Bevan Bwrdd Iechyd Prifysgol Betsi Cadwaladr Bwrdd Iechyd Prifysgol Caerdydd a'r Fro Bwrdd Iechyd Prifysgol Cwm Taf Morgannwg Bwrdd Iechyd Prifysgol Hywel Dda Bwrdd Iechyd Addysgu Powys
Addysg feddygol Cymru	Prifysgol Caerdydd Prifysgol Abertawe Ysgol Feddygol Gogledd Cymru
WiciBrosiect Cymru

• Bwrdd Iechyd Prifysgol Abertawe Bro Morgannwg (safle swyddogol)
• Prifysgol Ymddiriedolaeth GIG Abertawe Bro Morgannwg  (safle swyddogol) Archifwyd 2009-11-09 yn y Peiriant Wayback