Baner Togo
Baner o bum stribed llorweddol gyda seren wen ar sgwâr coch yn y canton yw baner Togo. Mae nifer y stribedi yn symboleiddio pum rhanbarth y wlad, ac eu lliwiau bob yn ail yw gwyrdd (tri ohonynt; i gynyrchioli cyfoeth amaethyddol) a melyn (dau ohonynt; i gynrychioli cyfoeth mwynol). Mae coch y canton yn symboleiddio'r gwaed a gollwyd yn y frwydr am annibyniaeth, tra bo'r seren wen yn symboleiddio gobaith (yn debyg i'r seren ar faner Liberia).
Seiliwyd lliwiau'r faner ar liwiau baner Ethiopia a ddaeth yn liwiau'r mudiad Pan-Affricanaidd dros fudiadau annibyniaeth i bobloedd ddu y cyfandir, a thu hwnt.
Mabwysiadwyd y faner gyfredol ar 27 Ebrill 1960 yn sgîl annibyniaeth Togo ar Ffrainc.
Ffynhonnell
[golygu | golygu cod]- Complete Flags of the World, Dorling Kindersley (2002)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
