Ippolitu hè un parsunaghju di a mitulugia greca, figliu di Teseiu; u nomu di so matri varieghja sicondu l' autori: a più cumuna hè Antiopi, ma altri mitugrafi numineghjani ancu l'Amazona Ippolita oppuri Melanippa. A virsioni più nota di a so lighjenda hè quidda tramandata da l'opara di Euripidi: Ippolitu. Sicondu sta virsioni di a storia, Afrudita fù a causa di a so morti. Eddu stessu disprizzò a vinerazioni d'Afrudita in favori di quidda d'Artemidi]] è, par vindetta, Afrudita feci chì a so matrigna, Fedra, s'innamuressi d'eddu, sapendu chì Ippolitu l'avaria rispinta. Fedra cerca vindetta in i cunfronti d'Ippolitu suicidendu si è, in a so lettara d'addiu, dicendu à Teseiu, u so maritu è babbu di Ippolitu, chì Ippolitu l'avia viulintata. Ippolitu era vinculatu da un ghjuramentu à ùn minziunà l'amori di Fedra par eddu è nubilamenti si ricusò di difenda si nonostanti i cunsiquenzi. Teseiu maladissi u figliolu, una maladizioni chì Puseidonu era custrettu à esaudiscia, è cusì Ippolitu fù abbattutu da un toru mandatu da u mari chì mandò in u panicu i cavaddi di a so biga è distrussi u veiculu. Curiusamenti, quistu ùn hè u modu in u quali Afrudita avia privistu a so morti in a tragedia, in quantu in u prologu dici di aspittà si chì Ippolitu cidissi à u desideriu incù Fedra è chì Teseiu colga a coppia duranti l'attu. Ippolitu pardona à u babbu prima di mora è Artemidi rivela a virità à Teseiu prima di ghjurà d'uccida unu di l'amanti di Afrudita (Adoni) par vindetta. In una virsioni più dopu, Ippolitu fù ripurtatu in vita da Asclepiu (annantu à a richiesta di Artemidi), u diu di a medicina ma ancu di a nicrumanzia, chì s'era innamuratu d'eddu. Ni parla ancu Virghjliu in u VII cantu di l'Eneidi: dopu a risurrizioni Ippolitu fù traspurtatu da Diana annantu à i monti Albani; quì edda l'imponi un novu nomu, Virbiu (vali à dì "natu dui volti"). U ghjovanu istituisci in u Laziu u cultu di a dea, sposa a ghjovana atinesa Aricia è fonda una cità à a quali dà u nomu d'edda divintendu ni rè. Inghjinireghja dopu incù Aricia un figliu chì fù chjamatu anch'eddu Virbiu è chì li succedi in u regnu.

Fedra è Ippolitu

• Tragedia di Nicolas Prandon Fedra
• Tragedia di Jean Racini Ippolitu
• Tragedia di Euripidi Ippolitu
• Tragedia di Robert Garrier Ippolitu è Aricia
• Tragedia lirica di Peddegrin Ippolitu velatu
• Tragedia di Euripidi Phaedra
• Tragedia di Seneca

• Ippolitu è Aricia - Opara musicali di Tommasu Traetta
• Ippolitu è Aricia -Opara musicali di Rudolf Zumsteeg

• Artemidi
• Fedra
• Melanippa
• Puseidonu