Lunar eclipse
![](https://upload.wikimedia.org/wikipedia/commons/thumb/a/a0/Eclipse_lunar_2019.gif/220px-Eclipse_lunar_2019.gif)
Un lunar eclipse es un astronomico evento que ta ocurri cuando ta move el Luna na el sombra del Tierra, haciendo que ta oscurece el Luna. Ta ocurri tal alineacion durante un estacion de maga eclipse, aproximadamente cada seis maga mes, durante el fase del lleno luna, cuando mas cerca el lunar orbital plano al ecliptica (el plano del terrestre orbita).
Posible lang cuando durante un exacto o cercano alineacion del Sol, el Tierra y el Luna (un sizigia) con el Tierra entre el otro dos maga, posible lang na el noche de un lleno luna, cuando cerca el Luna de cualquier lunar nodo. Na cuanto al tipo y longitud de un lunar eclipse, ta depende este maga del proximidad del Luna al lunar nodo.[cita requerida]
Cuando totalmente ta eclipsa el Tierra con el Luna (un "profundo eclipse"), ta obtene el Luna con un rojizo tinte causao por el planeta cuando ta bloquea este completamente con el directo solar luz para que hinde ta llega ele al superficie del Luna, kay el unico luz reflexionao del lunar terrestre es lo refractao por el terrestre atmosfera. Ta aparece rojizo este luz gracias al dispersion de si Rayleigh de azul luz, el mismo razon por el que mas anaranajao el maga orto y maga ocaso que durante el dia.
Hinde como un solar eclipse, visible desde un relativamente chico area lang del mundo, visible un lunar eclipse desde cualquier punto del nocrurno lado del Tierra. Puede un total lunar eclipse dura casi dos maga hora, mientras que ta dura un total solar eclipse cuanto minuto lang na cualquier lugar, debio a que mas chico el sombra del Luna. Ademas, hinde como maga solar eclipse, observable maga lunar eclipse seguramente sin ningun astronomico filtro ni maga especial cuidado.
El simbolo para un lunar eclipse (o, gayot, cualquier cuerpo na el sombra de otro) es (U+1F776 🝶).
Maga tipo de maga lunar eclipse
[revisa | revisa codigo]![](https://upload.wikimedia.org/wikipedia/commons/thumb/e/ec/Geometry_of_a_Lunar_Eclipse.svg/langes-220px-Geometry_of_a_Lunar_Eclipse.svg.png)
Divisible el sombra del Tierra na dos maga distintivo parte: el umbra y el penumbra. Totalmente ta oclui el Tierra con directo solar irradiacion dentro del umbra, el central region del sombra. Sin embargo, debio a que el angular diametro del Sol es alrededor de un cuarto del terrestre na el lunar cielo, parcialmente lang ta oclui el planeta con directo solar luz dentro del penumbra, el exterior porcion del sombra.
Penumbral lunar eclipse
[revisa | revisa codigo]Ta ocurri un penumbral lunar eclipse cuando ta pasa un parte o el totalidad del Luna al penumbra del Tierra. Hinde ta queda ningun parte del Luna dentro del umbra del Tierra durante el evento. Ta provoca el penumbra con un sutil oscurecimiento del lunar superficie, visible a simple vista cuando sumergio na el penumbra del Tierra alrededor del 70% del diametro del Luna. Un especial tipo de penumbral lunar eclipse es un total penumbral lunar eclipse, durante el que ta queda el entero Luna dentro del penumbra del Tierra. Raro maga total penumbral lunar eclipse, y cuando ta ocurri uno, puede el porcion del Luna mas cercana al umbra aparece ligeramente mas oscuro que el resto del lunar disco.
Parcial lunar eclipse
[revisa | revisa codigo]Cuando ta penetra parcialmente el Luna na el umbra del Tierra, conocio esto como un parcial lunar eclipse, mientras que ta ocurri un total lunar eclipse cuando ta entra todo el Luna na umbra del Tierra. Durante este evento, ta queda un parte del Luna na el umbra del Tierra, mientras que ta queda el otra parte na el penumbra del Tierra. El medio orbital velocidad del Luna es alrededor de 1.03 km/s, o un poco mas del de suyo diametro por hora, ansina que puede el totalidad dura hasta 107 maga minuto. Sin embargo, mucho mas largo el tiempo total entre el primer y el ultimo contacto del borde del Luna con el sombra del Tierra, y puede esto dura hasta 236 maga minuto.
Total lunar eclipse
[revisa | revisa codigo]![](https://upload.wikimedia.org/wikipedia/commons/b/b6/2007-03-03_-_Lunar_Eclipse_small-43img.gif)
Si ta pasa el Luna enteramente al umbra del Tierra, ta ocurri un total lunar eclipse. Justo antes del completo entrada, ay causa el brillo del limbo lunar —el curvo borde del Luna golpeado pa por el directo solar luz— que ta parece el resto del Luna comparativamente tenue. Na el momento na que ta entra el Luna na un completo eclipse, ay queda mas o menos uniformemente brillante el entero superficie. Mas tarde, cuando golpeado por solar luz el opuesto extremidad del Luna, de nuevo ay queda oscurecio el general disco. Es que, visto desde el Tierra, generalmente mayor el brillo de un lunar extremidad que el resto de la superficie debio al maga reflejo del manada irregularidad del superficie dentro del extremidad. Firme reflejao el solar luz golpeando con este maga irregularidad, na mayor cantidad que el que ta golpea con el maga mas central parte, razon por el cual generalmente ta aparece el borde del maga lleno luna mas brillante que el resto del lunar superficie. Similar esto al efecto de tejido de terciopelo sobre un convexo curvao superficie que, para un observador, ay parece mas oscuro al centro del curva. Verdadero este para cualquier planetario cuerpo con poco o ningun atmosfera y un irregular superficie lleno de maga crater (por ejemplo, Mercurio) cuando visto opuesto al Sol.
Central lunar eclipse
[revisa | revisa codigo]Un central lunar eclipse es un total lunar eclipse durante el que ta pasa el Luna por el centro del sombra del Tierra, contactando con el antisolar punto. Relativamente raro este tipo de lunar eclipse.
Puede el relativo distancia, desde el Tierra hasta el Luna, afecta con el duracion del eclipse. Na particular, cuando cerca del de suyo apogeo el Luna, el punto mas alejao del Tierra na el de suyo orbita, mas lento el de suyo orbital velocidad. Hinde ta disminui apreciablemente el diametro del umbra del Tierra dentro del maga cambio na el orbital distancia del Luna. Ansina, ay alarga el concurrencia de tal Luna —totalmente eclipsao y cerca del apogeo— con el duracion del totalidad.
Selenelion
[revisa | revisa codigo]![](https://upload.wikimedia.org/wikipedia/commons/thumb/1/1a/Lunar_eclipse_at_sunrise_Minneapolis_October_2014.png/220px-Lunar_eclipse_at_sunrise_Minneapolis_October_2014.png)
Ta ocurri un selenelion o selenehelion, tambien conocio como un horizontal eclipse, cuando observable al mismo tiempo el Sol y el eclipsao Luna. Justo antes del ocaso o despues del orto lang, visible el evento, cuando ay aparece ambo maga cuerpo justo por encima de maga opuesto horizonte na maga casi opuesto punto na el cielo. Ta ocurri un selenelion durante cada total lunar eclipse, kay ele un experiencia del observador, hinde un planetario evento distinto del lunar eclipse mismo. Por lo general, para maga observador na el Tierra ubicao na el maga cresta de maga alto montaña, experimentando con un falso orto o un falso ocaso, ay puede tal maga observador experimenta con un selenelion. Masquen durante un selenelion ta queda el Luna completamente dentro del umbra del Tierra, observable ele y el Sol na el cielo, debio a que ta causa el atmosferico refraccion que ta aparece mas alto (es deci, mas central) en el cielo que el de suyo verdadero geometrico planetario posicion.
Momento
[revisa | revisa codigo]![](https://upload.wikimedia.org/wikipedia/commons/thumb/b/b9/Lunar_eclipse_contact_diagram.svg/220px-Lunar_eclipse_contact_diagram.svg.png)
Determinao el momento del maga total lunar eclipse por cosa conocio como el de suyo maga "contacto" (maga momento de contacto con el sombra del Tierra):
- P1 (Primer contacto) — Inicio del penumbral eclipse. Ta toca el penumbra del Tierra con el exterior extremidad del Luna.
- U1 (Segundo contacto) —Inicio del parcial eclipse. Ta toca el umbra del Tierra con el exterior extremidad del Luna.
- U2 (Tercer contacto) — Inicio del total eclipse. Ta queda el superficie del Luna enteramente dentro del umbra del Tierra.
- Mid (Maximo eclipse) — El maximo etapa del total eclipse. Ta queda el Luna na el de suyo mas cercano punto al centro del umbra del Tierra.
- U3 (Cuarto contacto) — Fin del total eclipse. Ta sali el exterior extremidad del Luna del umbra del Tierra.
- U4 (Quinto contacto) — Fin del parcial eclipse. Ta sali el umbra del Tierra del superficie del Luna.
- P4 (Sexto contacto) — Fin del penumbral eclipse. Hinde ta contacta pa el penumbra del Tierra con el Luna.
Escala de si Danjon
[revisa | revisa codigo]![](https://upload.wikimedia.org/wikipedia/commons/thumb/e/e8/Blood_Moon.svg/220px-Blood_Moon.svg.png)
Ya ingenia si André-Louis Danjon con el escala de si Danjon para califica con el general oscuridad del maga lunar eclipse:
- L = 0: Muy oscuro eclipse. Casi invisible el Luna, especialmente na el mitad del totalidad.
- L = 1: Oscuro eclipse, gris o pardusco coloracion. Con dificultad lang, distinguible maga detalle.
- L = 2: Rojo intenso eclipse, o uno de oxido color. Muy oscuro central sombra, mientras querelativamente brillante el exterior borde del umbra
- L = 3: Eclipse de color rojo ladrillo. Usualmente ta tene el umbral sombra con un brillante o amarillo borde.
- L = 4: Muy brillante rojo cobrizo o anaranjao eclipse. Azulao el umbral sombra y ta tene con un muy brillante borde.
Lunar versus solar eclipse
[revisa | revisa codigo]![](https://upload.wikimedia.org/wikipedia/commons/thumb/c/c3/Lunar_eclipse_oct_8_2014_Minneapolis_4_46am.png/320px-Lunar_eclipse_oct_8_2014_Minneapolis_4_46am.png)
Tiene mucho confusion entre un solar eclipse y un lunar eclipse. Mientras que ta involucra ambo maga con maga interaccion entre el Sol, el Tierra y el Luna, muy diferente ellos na este maga interaccion.
Hinde ta oscurece por completo el Luna a medida que pasa por el umbra, debio al atmosferico refraccion del solar luz por el terrestre atmosfera na el umbral cono. Es deci, si hinde ya tene el Tierra con un atmosfera, completamente oscuro el Luna durante un eclipse. Ta surgi el rojizo coloracion kay debe el solar luz alcanzando al Luna pasa a traves de un largo y denso capa del atmosfera del Tierra, donde ta dispersa. Ta dispersa maga mas corto longitud de onda por el maga molecula de aire y el maga chico particula, ansina que ta predomina el maga mas largo longitud de onda na el momento na el que ta penetra el maga rayo de luz na el atmosfera. Ta percibi el humano vision con este resultante luz como rojo. Esto el mismo efecto que ta causa que ta enrojece el orto y el ocaso con el cielo. Otro modo de pensa na este escenario es nota que, como visto desde el Luna, ta parece el Sol sali (o pone) detras del Tierra.
Na cuanto al cantidad de luz refractao, ta depende este na el cantidad de polvo o maga nube na el atmosfera; tambien ta controla esto con cuanto luz ta dispersa. Por lo general, cuanto mas polvoriento el atmosfera, tanto mas eliminao otro maga longitud de onda de luz (na comparacion con el rojo luz), dejando con el resultante luz de un color rojo mas intenso. Ta causa esto que ta varia el resultante cobrizo rojo tono del Luna, de un eclipse a otro. Notable maga volcan por expulsa con maga gran cantidad de polvo al atmosfera, y puede un gran erupcion, poco antes de un eclipse, tene con un gran efecto na el resultante color.
Lunar eclipse na el cultura
[revisa | revisa codigo]![](https://upload.wikimedia.org/wikipedia/commons/thumb/c/ca/Eclipse_Christophe_Colomb.jpg/220px-Eclipse_Christophe_Colomb.jpg)
Ta tene cuanto cultura con maga mito relacionao a maga lunar eclipse o que ta aludi al lunar eclipse como un presagio, o bueno o malo. Ya mira el egipcio mitologia con el eclipse como un cerda tragando con un Luna por poco tiempo. Ansina mismo ta mira otro maga cultura con el eclipse como el Luna tragao por otro maga animal, como el jaguar na el maya mitologia, o un mitico sapo de tres maga pata, conocio como Chan Chu na el chino migologia.[cita requerida] Ya cree algun maga sociedad que el eclipse un demonio tragando con el Luna, y que ya puede ellos ahuyenta conele arrojando con maga piedra y maga maldicion a ello. Correctamente ya cree el maga antiguo griego que rotundo el Tierra y ya usa con el sombra del lunar eclipse como evidencia. Ta cree algun maga hindu na el importancia de baña na el rio Ganges despues de un eclipse kay ay ayuda a alcanzar al salvacion.
Incaico Imperio
[revisa | revisa codigo]Como el maga maya, ya cree el maga inca que ya ocurri maga lunar eclipse cuando ya comi un jaguar con el Luna, razon por el cual ta aparece rojo un luna de sangre. Ademas ya cree el maga inca que una vez que ya termina el jaguar de come con el Luna, ya puede volve al Tierra y devora con todo el maga animal alla, ansina que ya toma ellos con maga lanza y ya grita al Luna para ahuyenta conele.
Mesopotamia
[revisa | revisa codigo]Ya cree el maga antiguo pueblo de Mesopotamia que durante un lunar eclipse, ya ataca siete maga demonio con el Luna. Este ataque mas que contra el Luna lang, sin embargo, kay ya vincula el maga mesopotamico cosa ya ocurri na el cielo con cosa ya ocurri na el suelo ("como es arriba es abajo"), y debio a que ya representa el rey de Mesopotamia con el suelo, ya cree el comun gente que ya ataca tambien el siete maga demonio con el rey mismo. Para preveni con este ataque contra el rey, ya fingi el maga mesopotamico que otro persona fue el rey para que ya sufri con el percibio ataque na lugar del verdadero rey. Despues de que ya termina el lunar eclipse, ya tene el sustituto rey que desaparece (baka por intoxicacion).
China
[revisa | revisa codigo]Na algun maga chino cultura, ya toca el gente con maga campana para evita que ya morde un dragon u otro maga salvaje animal con el Luna. Na el aca-19 siglo durante un lunar eclipse, ya dispara el chino armada con el de suyo artilleria debio a esta creencia. Durante el dinastia Zhou (Plantilla:Circa 1046–256 AEC) na el Clasico de poesia, ya tiene un creencia de que el vision de un rojo Luna envuelto na el oscuridad fue un presagio de hambruna o enfermedad.
Luna de sangre
[revisa | revisa codigo]![](https://upload.wikimedia.org/wikipedia/commons/thumb/1/1f/Full_Eclipse_of_the_Moon_as_seen_in_from_Irvine%2C_CA%2C_USA_%2852075715442%29_%28cropped%29.jpg/220px-Full_Eclipse_of_the_Moon_as_seen_in_from_Irvine%2C_CA%2C_USA_%2852075715442%29_%28cropped%29.jpg)
Denominao algun maga lunar eclipse como maga "luna de sangre" na maga popular articulo pero esto hinde un cientificamente reconocio termino. Ta tene el termino con dos maga distinto (pero entrelazao) significao.
Generalmente ta relaciona el significao con el rojizo color que ta adqueri un totalmente eclipsao Luna para el maga observador na el Tierra. Mientras que ta penetra el solar luz con el terrestre atmosfera, ta filtra y ta refracta el gaseoso capa con el maga rayo de tal modo que ta dispersa el maga longitud de onda de verde a violeta na el visible espectro mas fuertemente que el rojo, cosa ta dale al Luna con un rojizo coloracion. Posible esto debio a que puede el maga rayo del Sol envolve con el Tierra y queda reflejao por el Luna.
Ocurrencia
[revisa | revisa codigo]![](https://upload.wikimedia.org/wikipedia/commons/thumb/b/b9/Eclipse_vs_new_or_full_moons%2C_annotated.svg/220px-Eclipse_vs_new_or_full_moons%2C_annotated.svg.png)
Cada año ta ocurri de dos a cinco maga lunar eclipse, masquen significativamente menos comun maga total lunar eclipse que maga parcial lunar eclipse. Si conocio el fecha y hora de un eclipse, predecible el maga ocurrencia del maga proximo eclipse mediante un ciclo de maga eclipse, como el saros. Ta ocurri un estacion de maga eclipse lang el maga eclipse mismo, cuando ta parece el Sol pasa cerca de cualquiera del maga nodo del orbita del Luna.
Vista desde el Luna
[revisa | revisa codigo]Na el Luna, un lunar eclipse es gayot un solar eclipse. Ta hace el ocurrencia que ta parece el terrestre atmosfera como un rojo anillo alrededor del oscuro Tierra. Durante un lleno luna, el fase que ta produci con maga lunar eclipse, ta ilumina el Luna, y el claro de luna, con el nocturno lado del Tierra.
Mira tambien
[revisa | revisa codigo]- Maga lista de maga lunar eclipse y Lista de maga lunar eclipse del aca-21 siglo
- Lunar ocultacion
- Lunar ilusion
- Orbita del Luna
- Solar eclipse
- Maga eclipse na el historia y el cultura
Text is available under the CC BY-SA 4.0 license; additional terms may apply.
Images, videos and audio are available under their respective licenses.