Talisker
Talisker zo ur wiski graet en Eilean Sgitheanach (Enez Skye e saozneg).
Doare ar wiski
[kemmañ | kemmañ ar vammenn]Un Island Single Malt eo, da lavarout eo ur Single Malt Scotch, graet en enez, e kêriadenn Carbost, en Talisker Distillery, a zo strilherezh nemeti an enez. Graet eo gant ar gompagnunezh United Distillers ha gwerzhet gant Diageo, evel unan eus o dastumad Classic Malts of Scotland.
Brudet eo Talisker abalamour d'ar blaz holen, met dreist-holl taouarc'h, a zo warnañ, goude ma n'eo ket ken taouarc'hek ha re all.
Ar strilherezh
[kemmañ | kemmañ ar vammenn]Krouet eo bet e 1830 gant ar vreudeur MacAskill.
Graet e vez wiski single malt :
- Talisker 10 vloaz
- Talisker 12 vloaz, evit tud ar Friends of the Classic Malts
- Talisker 18 vloaz
- Talisker 20 vloaz, 9 000 boutailhad hepken
- Talisker 25 vloaz, 21 000 boutailhad hepken
- Talisker 30 vloaz, 2 958 boutailhad
- Talisker 175vet bloavezh
- Talisker Distillers edition, war-lerc'h barrikennadoù Amoroso.
Ar single malt a servij ivez d'ober blend, wiski mesket: Johnnie Walker, White Horse, ha Drambuie, hini dous.
Ar malt (heiz eginet) implijet a zo blaz an taouarc'h warnañ. Ouzhpenn-se, a-hervez, e red an dour implijet war douaroù taouarc'hek. Alese e teufe ar blaz.
Lennegezh
[kemmañ | kemmañ ar vammenn]Talisker a oa unan eus ar wiskioù a gare ar skrivagner Robert Louis Stevenson. « Roue an evajoù »[1] e oa.
- The king o' drinks, as I conceive it,
- Talisker, Isla, or Glenlivet!
Notennoù
[kemmañ | kemmañ ar vammenn]- ↑ Meneget gantañ en e varzhoneg « The Scotsman's Return From Abroad » (Underwoods, 1887): http://www.poetryloverspage.com/poets/stevenson/scotsmans_return_from_abroad.html
Liamm diavaez
[kemmañ | kemmañ ar vammenn]Text is available under the CC BY-SA 4.0 license; additional terms may apply.
Images, videos and audio are available under their respective licenses.
