Қазақ Советтік Социалистік Республикасы Қазақ Кеңестік Социалистік Республикасы
Banniel Ardamezioù
Ger-stur Барлық елдердің пролетарлары, бірігіңдер! "Proleterion ar bed, em unanit!"
██ Lec'hiadur en URSS
Yezh ofisiel	Hini ebet.
Yezhoù	Kazac'heg Ruseg
Kêr-benn	Alma-Ata
Gorread • En holl • % dour	2 717 300 km² 1,7
Poblañs • Hollad • Stankter	16 711 900 6,1/km²
Moneiz	Roubl (Сом)

Lec'hiet e Kreiz Azia e oa Republik Sokialour Soviedel Kazac'hia (kazac'heg: Қазақ Кеңестік Социалистік Республикасы) eil Republik diazez vrasañ an Unaniezh Soviedel, deuet da vezañ Republik Kazac'hstan goude ma'c'h eas URSS da get.

Almaty oa kêr-benn ar Republik, anavezet gwelloc'h d'ar mare-se diouzh hec'h anv rusek Alma-Ata.

Krouet e oa bet ar Republik d'ar 26 a viz Eost 1920 evel Republik Sokialour Soviedel Emren (RSSE) Kirgizia evel ur rann eus RSKS Rusia. Etre ar 15-19 a viz Ebrel 1925 e oa bet adanvet RSSE Kazac'hia hag a-benn ar fin, d'ar 5 a viz Kerzu 1936, e oa bet disklêriet RSS Kazac'hia ha dont a reas da vezañ unan eus Republikoù diazez an Unaniezh Soviedel.

A-hed ar bloavezhioù 1950 ha 1960 e oa bet bountet war tud eus URSS en he fezh da vont da vevañ e RSS Kazac'hia hag abalamour da se e kreskas ken buan all an niver a dud eus lec'h all (dreist-holl Rusianed, met ivez Alamaned, Ukrainiz, Belarusiz ha Koreaned) ma teuas da vezañ niversoc'h an ermaezidi o vevañ eno evit ar Gazac'hed o-unan.

D'an 10 a viz Kerzu 1991 e oa bet kemmet anv ar vro ha dont a reas da vezañ Republik Kazac'hstan ha dishual e teuas da vezañ c'hwec'h devezh war-lerc'h.

Goude dont da vezañ dishual e tec'has kuit meur a zen deuet da vevañ eno eus lec'h all da geñver maread ar ren soviedel.

• Kazac'hstan

Republikoù an Unaniezh Soviedel
	RSS Armenia • RSS Azerbaidjan • RSS Bielorusia • RSS Estonia • RSS Jorjia • RSS Kazac'hia • RSS Kirgizia • RSS Latvia • RSS Lituania • RSS Moldavia • RSS Ouzbekistan • RSKS Rusia • RSS Tadjikistan • RSS Turkmenistan • RSS Ukraina Republikoù berrbad : RSS Finnek-Kareliek (1940-1956) | RSKS Treuzkaokazek (1922-1936)