José de Ribera
![](https://upload.wikimedia.org/wikipedia/commons/thumb/d/d0/Sileno_ebrio%2C_por_Jos%C3%A9_de_Ribera.jpg/220px-Sileno_ebrio%2C_por_Jos%C3%A9_de_Ribera.jpg)
![](https://upload.wikimedia.org/wikipedia/commons/thumb/8/85/El_sue%C3%B1o_de_Jacob%2C_by_Jos%C3%A9_de_Ribera%2C_from_Prado_in_Google_Earth.jpg/220px-El_sue%C3%B1o_de_Jacob%2C_by_Jos%C3%A9_de_Ribera%2C_from_Prado_in_Google_Earth.jpg)
![](https://upload.wikimedia.org/wikipedia/commons/thumb/a/ad/El_patizambo%2C_por_Jos%C3%A9_de_Ribera.jpg/220px-El_patizambo%2C_por_Jos%C3%A9_de_Ribera.jpg)
José de Ribera (Játiva, 12 Genver 1591 - 1652) a oa ul livour spagnol eus ar XVIIvet kantved.
Anavezet e oa ivez evel Jusepe de Ribera ha Giuseppe Ribera en italianeg, hag ivez evel Lo Spagnoletto (ar Spagnolig), dre ma sine e daolennoù "Jusepe de Ribera, español" hag e oa bihan e vent.
Un arzour spagnol a bouez eo bet, goude ma en deus labouret pell amzer en Italia, ken e vez sellet outañ evel un arzour italian.
![](https://upload.wikimedia.org/wikipedia/commons/thumb/1/1a/%28Toulouse%29_D%C3%A9mocrite_%281630%29_-_Jusepe_de_Ribera_-_Madrid%2C_Museo_Nacional_del_Prado.jpg/220px-%28Toulouse%29_D%C3%A9mocrite_%281630%29_-_Jusepe_de_Ribera_-_Madrid%2C_Museo_Nacional_del_Prado.jpg)
Unan eus livourien veur Europa ar XVIIvet kantved e oa ha levezonet en deus livourien eus Italia kenkoulz evel re eus an Izelvroioù, ha laosket en deus e roud don en arz Spagn.
Pa erruas en Italia edo nevezenti an doare-livañ hervez Caravaggio o vleuniañ, o keveziñ gant an doare roman ha bolognesat a oa o neveziñ ar gizioù klasel. Abalamour da se e tibabas ober gant an "teñvalerezh" degaset gant ar Flamanked hag Izelvroiz a oa e Roma d'an ampoent, met daoust da se e teske ober gant stummoù kaer ar bed klasel.
En em stummañ a reas o studiañ liverezh meur an Azginivelezh italian a voe mestroniet gantañ buan. Un dra all a lak anezhañ da vout disheñvel eus livourien spagnol e amzer eo e anaoudegezh eus an henamzer klasel, unan eus diazezoù al liverezh barok europeat.
Liammoù diavaez
[kemmañ | kemmañ ar vammenn]Text is available under the CC BY-SA 4.0 license; additional terms may apply.
Images, videos and audio are available under their respective licenses.