Inizi Salomon^[1] (Solomon Islands e saozneg) zo ur stad er Meurvor Habask, er gwalarn da Vanuatu, anezhi meur a enezeg. Honiara eo ar gêr-benn.

Ar Spagnol Álvaro de Mendaña a voe an European kentañ o weladenniñ an inizi adalek ar 7 a viz C'hwevrer 1568. Eñ hag e vartoloded a gave dezho o doa kavet bro Ofir, bro orin aour ar roue Salomon er Bibl, hag anvet e voent ganto Islas Salomón.

Ar stumm ofisiel gant gouarnamant ar vro eo Solomon Islands hep ger-mell e pep degouezh. Graet e veze gant ar ger-mell da vare an trevadennerezh.

9 froviñs zo, melestret gant pep a guzul proviñsel, 10 ma konter kêr Honiara ouzhpenn, melestret gant ur c'huzul-kêr.

1. Proviñs Kreiz
2. Choiseul
3. Guadalcanal
4. Isabel
5. Makira-Ulawa
6. Malaita
7. Rennell ha Bellona
8. Temotu
9. Proviñs ar C'hornôg
10. Honiara, ar gêr-benn

1. ↑ Kartenn ar bed: ar Stadoù, Ti-embann ar skolioù brezhonek, 1999; Geriadur brezhoneg An Here, 2001; p. 1433; Atlas Breizh, "kartenn bolitikel ar bed", Coop Breizh, 2011, p. 30.

g • ka • ke

Broioù ha Stadoù Okeania

 Aostralazia : Aostralia • Enez Christmas • Inizi Cocos (Keeling) • Enez Norfolk

 Melanezia : Fidji • Kaledonia-Nevez • Papoua Ginea-Nevez • Papoua ar C'hornaoueg • Inizi Salomon • Vanuatu

 Mikronezia : Guam • Hawaii • Kiribati • Inizi Mariana an Norzh • Inizi Marshall • Atoll Midway • Stadoù Kevreet Mikronezia • Nauru • Palau • Wake

 Polinezia : Inizi Cook • Niue • Enez Pask • Pitcairn • Polinezia C'hall • Samoa • Samoa Amerikan • Tokelau • Tonga • Tuvalu • Wallis ha Futuna • Zeland-Nevez