MONUMANT ISTOREL
Tallbenn an Iliz-veur araok tan-gwall 2020

Iliz-veur Pêr-ha-Paol Naoned a zo un iliz-veur katolik a c'hiz c'hotek savet er XV^vet kantved, da vare Duged Breizh.

E-kreiz kêr emañ, e leurgêr Sant-Pêr. Iliz-veur eskopti Naoned eo, ha sez eskob Naoned. 457 vloaz ez oa bet ouzh he sevel, eus 1434 betek 1891. Kement-se ne vir ket e lavarer eo ur bennoberenn eus an doare gotek. Unan eus nav iliz-veur katolik Breizh eo, savet e tal-kichen Kastell an Duged. Ur savadur relijiel met ivez politikel eo eta, arouezh souvereniezh an Dugelezh. Enni eo beziet an dug Frañsez II, tad an dugez Anna. Monumant istorel ofisiel eo abaoe 1862.

Tri savadur relijiel zo bet a-raok an iliz-veur a vremañ: ur chapel savet en III^e kantved ; un iliz-veur savet er VI^vet kantved, un iliz-veur roman all en XI^vet kantved. El lec'h ma oa an iliz-veur kozh eo bet savet homañ, ha dre ma veze savet eo he deus kemeret he lec'h.

Un templ drouizel e vije bet war al lec'h, dediet da Janus pe vBouljanus.

Tri savadur kristen zo bet goude :

• ur penniliz savet er IV^e kantved,
• un iliz-veur kentañ, savet er VI^vet kantved,
• un eil iliz-veur romanek savet er XI^vet kantved. Warni eo bet savet an iliz-veur a vremañ.

Skoet e voe gant bombezadegoù an Eil Brezel-bed. Labourioù reneveziñ a oa tost echuet pa tarzhas un tann-gwall en nein d'an 28 a viz Genver 1972. Goude eizh bloaz argerzhadur e voe anavezet kiriegezh ar Stad gall, ha ket an embregerezh naonedat Rineau Frères. Digoradur ar c'heur nevez a voe lidet d'an 12 a viz Mae 2013 gant an aotroù Jean-Paul James.

D'an 18 a viz Gouere 2020 eo distrujet gant un tan-gwall nevez gwerelloù an XV^vet kantved urzhiet gant Anna Breizh, ograoù ar XVII^vet kantved hag arrebeuri.

Muioc'h a restroù diwar-benn

Iliz-veur Naoned

a vo kavet e Wikimedia Commons.

• 
  Talbenn kornôk en 2005, tud o labourat warnañ, abalamour da se n'eo ket heñvel al livioù
• 
  Tu a-dreñv
• 
  Nev an iliz-veur
• 
  Ograoù eus 1619 a-us d'an nor-dal, ha gwerelloù an XV^vet kantved
• 
  Bez Frañsez II, dug Breizh
• 
  Bez ar jeneral de Lamoricière
• 
  An dor-dal-kreiz
• 
  Bolz

• (fr) Lec'hienn ofisiel