An Abri du Marin (Goudor ar Vartoloded) a oa tier-herberc'h krouet gant Jacques de Thézac e deroù an XX^vet kantved e perzhier Breizh, e Kerne dreist-holl, evit ar vartoloded a voazie tremen o amzer re alies en tavarnioù. Lec'hiet mat e oant e-kichen ar c'haeoù hag ar chaoserioù ma veze staget ar bagoù.

Jacques de Thézac en doa graet eus ar Goudorioù-se binvioù evit stourm ouzh ar baourentez hag an dienez sokial, lec'hioù plijus evit degemer ar vartoloded.

Etre 1900 ha 1940 e oa tremenet 14 milion a dud dre ar Goudorioù. Eus 1940 da 1976 e voe 6 milion a dud c'hoazh.

Awenet e oa bet Jacques de Thézac gant sailor’s homes Breizh-Veur, a oa tier livet en roz savet er perzhier.

Unnek Abri du marin a voe savet etre 1900 ha 1933 : dek e Penn-ar-Bed hag unan e Mor-Bihan. Re all a voe c'hoazh, pa voe savet pemzek en holl etre 1900 ha 1952.

Er bloavezhioù-mañ e voe digoret Abris du Marin :

• Kerzu 1899, war Enez-Sun
• C'hwevrer 1900 : er Gelveneg.
• Genver 1901 : e Passage-Lanriec.
• Du 1901 : e Gwaien, hag e Konk-Kerne (kae ar Groaz), a voe troet en herberc'hti yaouankiz e 1960.
• Kerzu 1901 : e Porzh-Lae (Ar Gerveur)^[1].
• 1903 : e Kameled.
• Du 1904 : Goudor ar Vartoloded Sant Voran.
• 1906 : un eil war Enez-Sun.
• 1908 : en Enez-Tudi.
• 1909 : e Rosko.
• Goude 1910 : e Konk-Leon.
• 1912 : e Douarnenez, hiriv ti ar Chasse-marée.
• 1952 : e Sant-Wenole (Penmarc'h).
• Deiziadoù dianav : Poulgwazeg, Enez Houad, Porzh-Maria.

• 
  Douarnenez : Ti ar Chasse-Marée (talbenn ar gevred)
• 
  Douarnenez : Ti ar Chasse-Marée (talbenn)
• 
  E Gwaien e goañvezh 1914
• 
  Ar sal-gousket e Gwaien war-dro 1914
• 
  E Sant-Voran, war-dro 1905
• 
  E Sant-Voran : moused oc'h ober dantelezh evit gounit o boued e-pad enkadenn ar sardin (deroù an XXvet kantved)
• 
  E Sant-Voran
• 
  E Sant-Voran : skritell
• 
  E Sant-Voran
• 
  E Sant-Voran

Tammoù brezhoneg a weler war luc'hskeudennoù kozh^[2], met war a seblant int bet diverket holl.

• Unan a oa en Enez Yeu ivez^[3]
• Ur ranndi da feurmiñ zo anvet heñvel, e Kastell-Nevez ar Faou^[4], netra da welout gant an tier istorel war an aod.

• Un tamm istor : Lec'hienn Sant-Voran