?Warik
Saikung warik buntut panjang (Macaca fascicularis)
Klasifikasi ilmiah
Karajaan: Animalia Filum: Chordata Kelas: Mammalia Ordo: Primata Upaordo: Haplorrhini
Approximate worldwide distribution of monkeys.
Familia
Cebidae Aotidae Pitheciidae Atelidae Cercopithecidae

Warik adalah istilah gasan barataan angguta parimata nang lain parusimia (prakera) nang kaya lamur wan tarsius atawa kara, baik nang bagana di Dunia Lawas atawa Dunia Hanyar. Sampai wayah ngini ada 264 janis warik nang hidup di dunia. Kada kaya kara, warik rancaknya babuntut wan ukurannya tahalus. Warik dikatahuani kawa balajar wan mamakai alat gasan manulunginya bacari makan.

Pangalumpukan warik basipat parapilitik, marga warik Dunia Lawas (Cercopithecoidea) sabujurnnya labih parak kula ginitiknya wan kara (Hominidae), daripada warik Dunia Hanyar (Platyrrhini).

Warik pangganalnya adalah mandrill. Babarapa warik dalam basa saban hari rancak dingarani kara.

Babarapa warik sudah dimanapaatakan manusia gasan binatang inguan atawa binatang gasan manulungi gawian saban hari. Warik buntut panjang (Macaca fascicularis) adalah binatang nang parancaknya rakat lawan manusia wan rancak diharagu sabagai binatang inguan, binatang sirkus, atawa cucubaan laburaturium. Inya jua parimata panambaian nang suah ka luar angkasa. Warik diharagu di babarapa wadah di Sumatra wan Malaya dilatih gasan mamutik nyiur.

Warik di hutan gunung Bunder mangguyangi puhun wayah tangah hari, baluncatan matan sabuting dahan ka dahan nang lain wan mandam amun ada pandaki gunung nang lalu. Di situ warik hidup bahigaan lawan macan akar wan ular. Di Sumatra Barat, pasnya Danau Maninjau, hutil basabalahan dibangunnya lawan hutan wan warik kawa nyaman manaiki puhun wan masuk palataran hutil parak kulam bakunyung. Di jalanan naik turun ka ampah Danau Maninjau, warik-warik sakahandak kasana kamari wan kaya mahadangi makanan nang ditawaki ulih bubuhan tamu.

Barikut ngini adalah daptar kaluarga warik berdasrkan klasipikasi primata nang masih hidup.

• Urutan Primata
  • Bagian matan Strepsirrhini: lemurs, lorises, wan galagos
  • Bagian matan Haplorhini: tarsiers, warik, wan apes
    • Infraorder Tarsiiformes
      • Famili Tarsiidae: tarsiers
    • Infraorder Simiiformes: simians
      • Parvorder Platyrrhini: warik zaman wahini
        • Famili Callitrichidae: warik halus wan tamarins (42 spesies)
        • Famili Cebidae: kapusin wan warik tupai (14 spesies)
        • Famili Aotidae: warik malam (11 spesies)
        • Famili Pitheciidae: titis, sakis, wan uakaris (41 spesies)
        • Famili Atelidae: howler, laba-laba, wan warik babulu (24 spesies)
      • Parvorder Catarrhini
        • Superfamili Cercopithecoidea
          • Famili Cercopithecidae: warik zaman bahari (135 spesies)
        • Superfamili Hominoidea: apes
          • Famili Hylobatidae: gibbons ("lesser apes") (17 spesies)
          • Famili Hominidae: apes raksasa (tarmasuk humans, gorillas, chimpanzees, wan orangutans) (8 spesies)

• 
  Ano lagi mandi banyu panas.
• 
  Warik dilatih gasan manjadi pamutik nyiur di Sumatra.

• Orangutan
• Hanoman

• "The Impossible Housing and Handling Conditions of Monkeys in Research Laboratories", by Viktor Reinhardt, International Primate Protection League, August 2001
• Inside the monkey house at Covance, shot undercover by the British Union for the Abolition of Vivisection
• The Problem with Pet Monkeys: Reasons Monkeys Do Not Make Good Pets, an article by veterinarian Lianne McLeod on About.com
• Helping Hands: Monkey helpers for the disabled, a U.S. national non-profit organization based in Boston Massachusetts that places specially trained capuchin monkeys with people who are paralyzed or who live with other severe mobility impairments