Patai
| ?Petai | ||||||||||||
|---|---|---|---|---|---|---|---|---|---|---|---|---|
 Polong petai, sapalih dibuka gasan malihatakan biginya
| ||||||||||||
| Klasifikasi ilmiah | ||||||||||||
| ||||||||||||
| Nama binomial | ||||||||||||
| Parkia speciosa |
Patai (Parkia speciosa) marupakan rapun tahunan trupika matan suku polong-polongan (Fabaceae), anak-suku papataian (Mimosoidae). Tumbuhan ngini tersebar luas di Nusantara bagian barat. Biginya, nang disambat "patai" juwa, dimakan wayah masih anum, rahatan sigar atawa imbah dijarang.
Pohon patai manahun, tinggi bisa sampai man-20m wan kada tapi bacikang. Daunnya banyak, tasusun balapar. Kambangnya banyak, tasusun dalam tungkul (panciri Mimosoidae). Kambang rajin cungul di parak hujung ranting. Buahnya ganal, mamanjang, parian buah polong. Matan sabuting tungkul kawa ditamui sampai balasan buah. Dalam sabuting buah baisi 20 bigi, nang babalang hijau wayah anum wan bakalubut salimput pina kandal babalang habuk anum. Buah patai cagaran karing lamun matang wan malapasakan biginya.
Bigi patai, nang babau banar nang handak mahirip lawan jaring, dimakan wayah sigar atawa dijadiakan bahan masakan. Sambal goreng hati kada langkap tanpa patai. Sambal patai juwa marupakan makanan nang kada talapas lawan patai.
Bigi patai rajin dijual lawan maumpatiakan polongnya. Tagal, wayahini dijual pakai cara mambungkus dalam plastik atawa dalam gabus nang dibungkus plastik kedap udara.
Pranala luar
[babak | babak asal-mulanya]- Konsumsi patai Tingkatkan Konsentrasi Otak Archived 2015-09-23 at the Wayback Machine
Text is available under the CC BY-SA 4.0 license; additional terms may apply.
Images, videos and audio are available under their respective licenses.
