Mantiga
![](https://upload.wikimedia.org/wikipedia/commons/thumb/4/45/NCI_butter.jpg/300px-NCI_butter.jpg)
Mantiga adalah produk turunan susu nang diulah lawan cara mengocok krim atawa susu. Biasanya dipakai gasan olésan wan cocolan, kawa jua dipakai gasan masak-memasak, nang kaya memanggang roti, me'ulah saus, lawan dipakai gasan menyanga. Mantéga terdiri dari lamak mantéga, banyu, wan protéin susu. Paling rancak diulah matan susu sapi, tagal kawa jua diulah matan susu mamalia nang lain kaya kambing, biri-biri, hadangan, wan yak. Kadang-kadang mantéga ditambahi uyah, parisa, wan pangawét. Lamun di dalam kulkas inya padat, tagal mun sudah di dalam suhu ruangan inya berubah lambik jadi sutil mangasaiakannya di atas roti atawa waday.
Biasanya mantéga warnanya kuning pucat, tapi ada jua nang kuning tuha sampai parak putih. Warna mantéga alami tegantung dari pemakanan satua nang diambil susunya, tagal mun di dalam industri mantéga rancak diwarnai supaya lebih menarik penampilannya. Biasanya mantéga diwarnai lawan pewarna makanan anatto atawa carotene. Banyak urang di Indunisia nang menyambat "mentega" tagal sebujurannya nang dimaksud'akan itu margarin nang dasar bujur mirip menampilannya tagal margarin diulah matan bahan lain kaya minyak nabati.
Akar kata
[babak | babak asal-mulanya]Mantéga (Bahasa Banjar) wan mentega (Bahasa Indunisia) asal katanya sama-sama matan kata dalam Bahasa Portugis, yaitu manteiga.
Text is available under the CC BY-SA 4.0 license; additional terms may apply.
Images, videos and audio are available under their respective licenses.