एंजाइम
![ग्राफ जेह में माल्टोज के ग्लूकोज में टूटल देखावल बा](https://upload.wikimedia.org/wikipedia/commons/thumb/0/0a/Glucosidase_enzyme.png/230px-Glucosidase_enzyme.png)
एंजाइम (अंग्रेजी: Enzyme) एक तरह के प्रोटीन होलें जे जैविक प्रकृया के तेज करे वाला (बायोकैटलिस्ट) होलें। कैटलिस्ट सभ रासायनिक रिएक्शन सभ के तेज करे वाला होलें आ शरीर में लगभग हर कोशिका में मेटाबोलिज्म के प्रकृया के अइसन एंजाइम कैटलिस्ट सभ के जरूरत होखे ले जवना से कि जीवन के चलत रहे खातिर मेटाबोलिज्म के ई प्रकृया भरपूर तेजी के साथ होखे। जवना मोलिक्यूल सभ पर ई एंजाइम असर भा काम करे लें उनहन के सबस्ट्रेट्स कहल जाला आ इनहन के काम करे के बाद जवन बने ला ओकरा के प्रोडक्ट कहल जाला।
कुछ एंजाइम सभ के कामर्शियल इस्तेमाल होखे ला, जइसे की एंटीबायोटिक सभ के बनावे में।कुछ घरेलू इस्तेमाल के चीजन में भी एंजाइम के इस्तेमाल होला जवना से केमिकल रिएक्शन के तेज कइल जा सके: बायोलाजिकल पावडर जे कपड़ा धोवे के कामे आवे लें, प्रोटीन, मांड चाहे तेलउंस चीज के दागी कपड़ा पर से हटावे के कामे आवे लें, मीट (मांस) के नरम बनावे खातिर एंजाइम वाला चीजन के इस्तेमाल होला जे प्रोटीन सभ के छोट छोट टुकड़ा में तूर देलें जवना से मीट चबाये में आसानी होखे ला।
Text is available under the CC BY-SA 4.0 license; additional terms may apply.
Images, videos and audio are available under their respective licenses.