Лемуравыя
Lemur catta
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Euarchontoglires Грандатрад:  Euarchonta Міратрад:  Прыматападобныя Атрад:  Прыматы Падатрад:  Макраносыя малпы Інфраатрад:  Lemuriformes Надсямейства:  Lemuroidea Сямейства:  Лемуравыя
Міжнародная навуковая назва
Lemuridae Gray, 1821
Сістэматыка на Віківідах Выявы на Вікісховішчы ITIS   572767 NCBI   9445 EOL   1650 FW   40773

Лемуравыя (Lemuridae) — сямейства паўмалпаў, эндэмікі Мадагаскара.

Даўжыня цела да 50 см, хваста да 51 см. Валасяное покрыва густое, чорнае, бурае, шэрае або рыжаватае, можа адрознівацца ў самцоў і самак. На хвасце часам чаргуюцца светлыя і цёмныя папярочныя палоскі. Вочы збліжаныя, вялікія.

Вядомыя з плейстацэну і галацэну вострава Мадагаскар. Пашыраны на в-ве Мадагаскар і суседніх астравах. Адрозніваецца каля 20 відаў з 5-6 родаў, у т.л. макі, або звычайныя лемуры (Eulemur), паўмакі, або лагодныя лемуры (Hapalemur) і інш.

Жывуць у лясах на дрэвах, некаторыя на зямлі. Трымаюцца паасобку, парамі, невялікімі групамі або статкамі (да 20 асобін). Карлікавыя і мышыныя лемуры ў засушлівы сезон упадаюць у спячку.

Селяцца ў дуплах або робяць гнёзды з лісця і травы. Усёедныя. Нараджаюць 1—4 дзіцянят.

• Лемуравыя // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).