HTTP
Назва: | Hypertext Transfer Protocol |
---|---|
Узровень (па мадэлі OSI): | Прыкладны |
Сямейства: | TCP/IP |
Створаны ў: | 1992 г. |
Порт/ID: | 80/TCP |
Спецыфікацыя: | RFC 1945, RFC 2616 |
Асноўныя рэалізацыі (кліенты): | Вэб-браўзеры, напрыклад Mozilla Firefox, Opera, Google Chrome, Internet Explorer і інш. |
Асноўныя рэалізацыі (серверы): | Apache, IIS і інш. |
HTTP (англ.: HyperText Transfer Protocol — «пратакол перадачы гіпэртэксту») — пратакол прыкладнога ўзроўню перадачы даных (першапачаткова, у выглядзе гіпертэкставых дакументаў). Асновай HTTP з’яўляецца тэхналогія «кліент-сервер», гэта значыць мяркуецца існаванне спажыўцоў (кліентаў), якія ініцыююць злучэнне і пасылаюць запыт, і пастаўшчыкоў (сервераў), якія чакаюць злучэння для атрымання запыту, здзяйсняюць неабходныя дзеянні і вяртаюць назад паведамленне з вынікам.
HTTP у цяперашні час паўсюдна выкарыстоўваецца ў сусветнай павуціне для атрымання інфармацыі з вэб-сайтаў. У 2006 годзе ў Паўночнай Амерыцы доля HTTP-трафіка перавысіла долю P2P-сетак і склала 46 %, з якіх амаль палова — перадача патокавага відэа і гуку[1]. HTTP выкарыстоўваецца таксама ў якасці «транспарту» для іншых пратаколаў прыкладнога ўзроўню, як то SOAP, XML-RPC, WebDAV.
Асноўным аб’ектам маніпуляцыі ў HTTP з’яўляецца рэсурс, на які паказвае URI (па-англійску: Uniform Resource Identifier) у запыце кліента. Звычайна такімі рэсурсамі з’яўляюцца файлы, якія захоўваюцца на серверы, але імі могуць быць лагічныя аб’екты або нешта абстрактнае. Асаблівасцю пратакола HTTP з’яўляецца магчымасць паказаць у запыце і адказе спосаб прадстаўлення аднаго і таго ж рэсурсу паводле розных параметраў: фармату, кадзіроўкі, мовы і інш., для чаго выкарыстоўваецца HTTP-загаловак. Менавіта дзякуючы магчымасці ўказання спосабу кадзіравання паведамлення кліент і сервер могуць абменьвацца двайковымі данымі, хоць дадзены пратакол з’яўляецца тэкставым.
Аналагічнымі пратаколамі для HTTP з’яўляюцца FTP і SMTP. Абмен паведамленнямі ідзе па звычайнай схеме «запыт-адказ». Для ідэнтыфікацыі рэсурсаў HTTP выкарыстоўвае глабальныя URI. У адрозненне ад многіх іншых пратаколаў, HTTP не захоўвае свайго стану. Гэта азначае адсутнасць захавання прамежкавага стану паміж парамі «запыт-адказ». Кампаненты, якія выкарыстоўваюць HTTP, могуць самастойна ажыццяўляць захаванне інфармацыі аб стане, звязанай з апошнімі запытамі і адказамі (напрыклад, «кукі» на баку кліента, «сесіі» на баку сервера). Браўзер, які пасылае запыты, можа адсочваць затрымкі адказаў. Сервер можа захоўваць IP-адрасы і загалоўкі запытаў апошніх кліентаў. Аднак сам пратакол не ведае аб папярэдніх запытах і адказах, у ім не прадугледжана ўнутраная падтрымка стану, да яго не прад’яўляюцца такія патрабаванні.
Зноскі
- ↑ Объём HTTP-трафика впервые превысил P2P Архівавана 22 снежня 2007.. Компьюлента
Спасылкі
[правіць | правіць зыходнік]- На Вікісховішчы ёсць медыяфайлы па тэме HTTP
- Спецыфікацыя HTTP/1.1
- Прыклад паслядоўнасці HTTP-абмену Архівавана 5 жніўня 2012.
- Прынцыпы функцыянавання HTTP-сервера
Фізічны | |
---|---|
Канальны |
|
Сеткавы |
|
Транспартны | |
Сеансавы |
|
Уяўленні |
|
Прыкладны | |
Іншыя прыкладныя |
|
Глабальна | Сусветнае павуцінне (Вэб 1.0 • Вэб 2.0 • Web 3.0) • Семантычнае павуцінне • Байнэт |
---|---|
Лакальна | |
Віды сайтаў і сэрвісаў | Віртуальны атлас • Банарная сетка • Блог (платформа) • Відэахостынг • Вікі (спіс рухавікоў • спіс сайтаў) • Сайт-візітка • Пытанне-адказ • Закладкі • Службы знаёмстваў • Каталог рэсурсаў • Інтэрнэт-крама • Мікраблог • Тамблелог • Навінавы сайт • Пошукавая сістэма (спіс) • Порнасайт • Сацыяльная сетка • BitTorrent-трэкер • Файлаабменнік • Форум (Сэрвіс • Іміджборд) • Фатахостынг • Чат |
Стварэнне і абслугоўванне | Распрацоўка • Майстар • Дызайн • Вёрстка • Праграмаванне • Юзабіліці • Мадэратар • Сістэмны адміністратар • Пошукавая аптымізацыя (SEO) • Прасоўванне сайта • Вопыт узаемадзеяння • Рэгістрацыя карыстальніка |
Тыпы макетаў, старонак, сайтаў | Статычны • Дынамічны • Фіксаваны • Гумавы • Дынамічна эластычны |
Тэхнічнае | Вэб-сервер (параўнанне) • Браўзер (спіс • параўнанне) • CMF (спіс) • CMS (спіс) • HTTP (адказы • загалоўкі) • SPDY • CGI • HTML • XHTML • CSS • JavaScript • DHTML • DOM • XML • AJAX • JSON • Flash • RSS • Atom • Мікрафармат • favicon.ico • robots.txt • Sitemaps • Карта сайта • .htaccess |
Маркетынг | Пошукавы маркетынг (SEM) • Інтэрнэт-маркетынг • Інтэрнэт-рэклама • Банар • Кантэкстная рэклама |
Соцыум і культура | Блогасфера • Інтэрнэт-супольнасць (раённая) • Сеткавая літаратура |
Text is available under the CC BY-SA 4.0 license; additional terms may apply.
Images, videos and audio are available under their respective licenses.