Deviation
Deviation | |
---|---|
Жанр | Панк-рок |
Гады | 1993-2009 |
Краіна |
![]() |
Горад | Гродна |
Мова песень |
Беларуская Польская Англійская |
«Deviation» — беларускі панк-рок гурт, заснаваны ў 1993 годзе ў Вялікай Бераставіцы Стасам і Андрэем Пачобутам.[1] Пераважная большасць песень гурта мае палітычную афарбоўку анархічнага зместу: у песнях крытыкуецца фашызм, таталітарызм, Аляксандр Лукашэнка.
Асноўная інфармацыя
[правіць | правіць зыходнік]12 лістапада 1993 года адбыўся першы канцэрт гэтага гурту[1], падчас якога сярод іншых была выканана песня «Міліцэйскі тэрор» прысвечаная былому кіраўніку Бераставіцкага РУУС, што з’явілася падставай для іх затрымання[2][3]. У хуткім часе браты пераехалі ў Гродна. У 1995 годзе гурт выступіў на фестывалі «Раздавим фaшистскую гaдину'95», дзе яны выканалі 3 песні.[1] У 1996 годзе быў выдадзены першы альбом «Lukaschenko… Uber Alles», у якім змешчана вострая крытыка прэзідэнта Рэспублікі Беларусь А. Р. Лукашэнка, а таксама лідара апазіцыйнай партыі КХП-БНФ З. С. Пазняка.[2] У 1997 годзе быў выдадзены другі альбом «Хуй вам, або таталітарызм ня пройдзе!», які змяшчаў нецэнзурную лексіку, аднак стаўся больш папулярным за папярэдні.[1] У 1998 годзе гурт удзельнічаў на культавым фестывалі беларускай музыкі Басовішча-1998. У тым жа годзе зладзілі першы легальны канцэрт Deviation, у якім яны ўдзельнічалі разам з гуртом N.R.M. У 1999 годзе Deviation перамог на фестывалі Басовішча-1999 ды ўдзельнічаў на фестывалі «Раздавим фaшистскую гaдину», а таксама атрымаў званне «Найлепшага беларускага рок-гурта году» па версіі «Музыкальной газеты». У 2001 годзе ў Францыі гурт выдае свой трэці альбом «Guerrila urbana»[2], змест песень якога сярод іншага крытыкуе сістэму прымусовага прызыву ў Беларусі. У тым жа годзе гурт удзельнічаў у фестывалі «Раздавим фашистскую гадину-3».[1] У 2009 годзе пасля вялікага перапынку дзейнасці ў форме інтэрнэт-рэліза выйшаў чацвёрты альбом «Чарговы дзень пад акупацыяй», які атрымаў найбольшую вядомасць ды шмат станоўчых водгукаў ад беларускіх і замежных музычных крытыкаў.[4][5] У дадзеным альбоме робіцца акцэнт на крытыку дзейнасці беларускіх праваахоўных органаў.
Канцэртная дзейнасць
[правіць | правіць зыходнік]Гурт Deviation за часы свайго існавання меў не шмат дазволеных канцэртаў у Беларусі. Вядомасць гурту прынеслі прыватныя канцэрты ды шматлікія кватэрнікі, дзякуючы якім некаторыя музычныя крытыкі называюць гурт «панк-легенда з Гродна»[4]. Пад канец 90-х гг. — пачатку 2000-х гурт праводзіў даволі інтэнсіўную канцэртную дзейнасць у Польшчы ды Расіі. З пачатку 2010-х гадоў гурт не вядзе актыўнай канцэртнай дзейнасці з-за таго, што лідар гурта Стас Пачобут жыве за межамі Беларусі.[3]
Асаблівасці творчасці гурта
[правіць | правіць зыходнік]Некаторыя песні гурта Deviation інспіраваныя творчасцю замежных творцаў ці з’яўляюцца вынікам перакладу песень з іншых моў: песня «Твой бацька фашыст» з’яўляецца перакладам гіту 80-х гадоў «Твой папа — фашист» расійскага гурту «Телевизор», «День пабеды» — кавер расійскага гурту «АукцЫон», а песня «Будучым ворагам дзяржавы» створана па матывах знакамітага польскага верша «Do prostego człowieka» Юліяна Тувіма[5].
Дыскаграфія
[правіць | правіць зыходнік]- 1996 — «Lukaschenko… Uber Alles»
- 1997 — «Хуй вам, або таталітарызм ня пройдзе!»
- 2001 — «Guerrila urbana»
- 2009 — «Чарговы дзень пад акупацыяй»
Склад
[правіць | правіць зыходнік]1993—2000
[правіць | правіць зыходнік]- Стас Пачобут (спеў)
- Андрэй Пачобут (бас)
- Чэн (Бахціяр) (барабаны)
- Андрэй «Муха» Мухін (гітара)
2000—2009
[правіць | правіць зыходнік]- Стас Пачобут (спеў)
- Мікіта «Паравоз» Паўроз (бас)
- Андрэй «Муха» Мухін (ударныя)
- Белка (гітара)
Зноскі
- ↑ а б в г д Старонка гурта на Last.fm
- ↑ а б в Deviation: пад вечнай забаронай / Experty.by
- ↑ а б Стас Пачобут (Deviation): "Сыстэма ў любым выпадку прайграе" / Experty.by
- ↑ а б Deviation "Чарговы дзень пад акупацыяй" / Experty.by
- ↑ а б Внештатный эксперт В.Дроздов: Deviation "Чарговы дзень пад акупацыяй" / Experty.by
Спасылкі
[правіць | правіць зыходнік]Text is available under the CC BY-SA 4.0 license; additional terms may apply.
Images, videos and audio are available under their respective licenses.