DOSBox
Тып	Эмулятар
Распрацоўшчык	DOSBox Team
Напісана на	С, C++
Аперацыйная сістэма	Кросплатформавае праграмнае забеспячэнне
Мовы інтэрфейсу	англійская, нямецкая, руская і французская
Першы выпуск	31 студзеня 2002[1]
Апошняя версія	0.74 (12 мая 2010)
Ліцэнзія	GNU GPL
Сайт	dosbox.com
Медыяфайлы на Вікісховішчы

DOSBox — эмулятар PC, які стварае DOS-асяроддзе, неабходнае для запуску старых гульняў пад MS-DOS. Гэта дазваляе запускаць праграмы ў аперацыйных сістэмах, якія не падтрымліваюць, ці падтрымліваюць DOS-праграмы не поўнасцю, і на сучасных камп’ютарах, на якіх старыя праграмы могуць не працваць, ці працаваць з памылкамі. DOSBox можна ўжываць для запуску і іншага праграмнага забеспячэння для DOS, але такая магчымасць працуе з абмежаваннямі. Эмулятар мае адкрыты зыходны код і даступны для такіх сістэм, як Linux, FreeBSD, Windows, Mac OS X, iOS, OS/2, BeOS, KolibriOS, Symbian OS, Android. Таксама, Windows-версія пры дапамозе HX DOS Extender запускаецца пад чыстым DOS — такім чынам DOS эмулюецца пад DOS.

Хуткадзейнасць эмуляванай сістэмы залежыць ат камп’ютара і налад, якія вызначаны ў канфігурацыйным файле, альбо ўводзяцца карыстальнікам у інтэрактыўным рэжыме. DOSBox падтрымлівае абмежаваную колькасць каманд інтэрпрэтатара COMMAND.COM. Таксама, на дыску Z: прысутнічаюць некалькі спецыяльных праграм у выглядзе .COM-праграм, якія кантактуюць з хост-сістэмай праз backdoor:

• MOUNT — манціраванне лакальнай (хост) дырэкторыі як дыска (у тым ліку і CD-ROM) унутр DOSBox;
• MEM — паказвае колькасць вольнай аператыўнай памяці;
• CONFIG — запіс канфігурацыі ў файл;
• LOADFIX — скарачэнне колькасці даступнай памяці (для старых праграм, якія не ўмеюць работаць з вялікай колькасцю памяці);
• IMGMOUNT — манціраванне вобразу дыска (CD-ROM) у DOSBox;
• BOOT — запуск вобраза дыскеты або цвёрдага дыска незалежна ад эмуляванай сістэмы DOSBox (магчымасць запусціць іншую аперацыйную сістэму);
• Каманды IPX — дазвол і работа IPX-сеткі.

• DOSBox часткова эмулюе аперацыйнае асяроддзе MS-DOS, вектары перарыванняў BIOS і апаратную частку IBM PC. Не патрабуе ні x86-працэсара, ні копіі арыгінальнай MS-DOS.
• Дынамічнае ядро працэсара: на сістэмах, якія маюць набор каманд i386, ужываецца дынамічная трансляцыя інструкцый. На сістэмах, не сумяшчальных з x86, выконваецца поўная эмуляцыя, што прыводзіць да істотнага запавольвання. Напрыклад, сістэма на аснове PowerPC G4 1,6 ГГц здольна эмуляваць сістэму са стандартным апаратным забеспячэннем і з працэсарам 80486 на 50 МГц; на x86-сумяшчальных сістэмах той жа хуткасці можна дасягнуць на значна слабейшым працэсары (напрыклад ад Pentium II).
• Эмуляцыя файлавай сістэмы — дазваляе дадаць каталог хост-сістэмы як HDD гасцявой сістэмы, што не даступна ні ў адным іншым эмулятары PC.
• Графічная эмуляцыя: тэкставы рэжым, Hercules, CGA (уключаючы кампазітны і 160×100×16 рэжымы), EGA, VGA (уключаючы Mode X), VESA і поўную эмуляцыю S3 Trio 64; у неафіцыйных зборках таксама Glide (з дапамогай іншага эмулятара Glide2x.dll).
• Гукавая эмуляцыя: Adlib, дынамік камп'ютара, Tandy, Sound Blaster, Creative CMS/Game Blaster, Disney Soundsource, Gravis Ultrasound, MPU-401 і Innovation SSI-2001.
• Сеткавая эмуляцыя (дазваляе гуляць у Інтэрнэце ў мультыплэерныя гульні): эмуляцыя мадэму праз TCP/IP, сеткавае тунэляванне IPX. Windows-версія падтрымлівае прамы паслядоўны порт.
• Праверана, што ў версіі 0.70 паўнавартасна работаюць 876 гульняў.^[2]

Як і ўсе праграмы-эмулятары, DOSBox патрабуе істотна мацнейшы камп’ютар (асабліва працэсар), чым эмуляваная сістэма. Акрамя таго, падтрымка абароненага рэжыму пакуль знаходзіцца на ранняй стадыі распрацоўкі, таму DOS-праграмы, якія выконваюцца толькі ў гэтым рэжыме (а гэта большасць гульняў, выдадзеных пасля 1995 года), могуць працаваць не так добра, як у іншых эмулятарах, накшталт VMware альбо Virtual PC. На бягучай версіі GP2X-порту DOSBox марудна працуюць нават самыя простыя праграмы.

Недахопам DOSBox з’яўляецца адсутнасць эмуляцыі LPT-порту (з магчымасцю «адлюстравання» на «сапраўднае жалеза») — старыя праграмы з LPT-ключамі (напрыклад, CREDO) на DOSBox працаваць не будуць. Асяроддзе MS-DOS і апаратура PC эмулююцца не поўнасцю, таму Windows 95 і Windows 98 пад DOSBox запускаюцца з цяжкасцю.

• На Вікісховішчы ёсць медыяфайлы па тэме DOSBox
• Афіцыйны сайт
• Эмуляцыя PC гульняў — DosBox. Самая поўная інструкцыя Архівавана 15 красавіка 2010.
• DOSBox вікі
• Як запусціць гульню праз DOSBox Архівавана 28 студзеня 2010.
• Афіцыйны форум DOSBox
• Неафіцыйная зборка DOSBox Архівавана 7 мая 2007.
• Іншая неафіцыйная зборка
• Arik.. Эмуляцыя PC гульняў — DosBox. Самая поўная інструкцыя. Наладка і ўжыванне (нявызн.)(недаступная спасылка). GamesLife. Архівавана з першакрыніцы 4 сакавіка 2012. Праверана 6 студзеня 2008.
• Дмитрий Чеканов, Павел Поглазов.. Эмулятар DosBOX: запускаем старыя DOS-гульні пад Windows (нявызн.)(недаступная спасылка). Tom’s Hardware (28 студзеня 2005). Архівавана з першакрыніцы 1 лютага 2012. Праверана 3 жніўня 2009.
• Версія DOSBox з убудаваным адладчыкам (англ.)

Праграмнае забеспячэнне для эмуляцыі і віртуалізацыі (параўнанне)
Узровень АС і гіпервізары	ICore Virtual Accounts • FreeBSD Jail • Kernel-based Virtual Machine (KVM) • Linux-VServer • LXC • Hyper-V • OpenVZ • Parallels Virtuozzo Containers • Solaris Containers • User-mode Linux • Virtual Iron • VM/CMS • VMware ESX • Xen
Камп'ютараў	bochs • DOSBox • FAUmachine • Hercules • Virtual PC • Parallels Workstation • PearPC • QEMU • SIMH • VirtualBox • VMware (Fusion • Workstation)
АС	Colinux • DOSEMU • E/OS • Wabi • Wine