BMW 315
| Тып(ы) кузавы: | 4‑дзв. седан (4‑месн.) 2‑дзв. кабрыялет (2‑месн.) 2‑дзв. кабрыялет (4‑месн.) |
| Даўжыня: | 3900 мм |
| Шырыня: | 1500 мм |
| Вышыня: | 1550 мм |
| Колавая база: | 2400 мм |
| Каляіна пярэдняя: | 1153 мм |
| Каляіна задняя: | 1270 мм |
| Маса: | 835 кг[1] |
| Аб'ём бака: | 35 л |
| Дызайнер: | Фрыц Фідлер |
BMW 315 — невялікі аўтамабіль класа С нямецкай кампаніі BMW 1934—1937 гадоў. Было выраблена 9 535[1] машын. У 1981—1983 гадах пад гэтым абазначэннем выпускалася мадэль серыі BMW E21.
Перадгісторыя
[правіць | правіць зыходнік]Дырэктар BMW AG Франц Ёзэф Поп[2] наведаў заводы Ford у ЗША, дзе пераканаўся, што для вырабу танных аўтамабіляў неабходна буйнасерыйная вытворчасць. У снежні 1924 года ён апублікаваў артыкул аб магчымасці вырабу таннага аўтамабіля ў Германіі па цане до 1 000 долараў. 3 лютага 1925, развіваючы сваю тэму, ён упершыню выкарыстаў назву «народны аўтамабіль» (ням.: Volkswagen). Вялікая дэпрэсія негатыўна паўплывала на продажы аўтамашын, якімі перш за ўсё карысталіся заможныя слаі насельніцтва. У Трэцім Рэйху ідэя Попа адрадзілася. На берлінскім аўтасалоне ў лютым 1933 года канцлер Адольф Гітлер сказаў Попу, што Фольксваген павінен каштаваць не 1 000 долараў, а 1 000 марак. Далей аўтавытворцы атрымалі распараджэнне стварыць аўтамабіль коштам до 1 000 марак.
Канструкцыя
[правіць | правіць зыходнік]
У BMW адмовіліся ад вытворчасці таннага аўтамабіля і вырашылі пабудаваць крыху большы аўтамабіль сярэдняга класа, максімальна выкарыстоўваючы наяўныя элементы хадавой часткі іншых мадэляў. Неўзабаве BMW прадставіў мадэль BMW 303 з шасціцыліндравым радным маторам аб'ёмам у 1,2 л. У 1934 годзе было вырашана павялічыць аб'ём рухавіка. Інжынер Рудольф Шлайхер распрацаваў верхнеклапаны матор з ланцужным прывадам размеркавальнага вала, двума карбюратарамі Solex. Для захавання памераў старых блокаў цыліндраў дыяметр цыліндру павялічылі на 2 мм (58 мм) пры адначасовым павелічэнні даўжыні штока з 80 мм да 94 мм. Матор атрымаў аб'ём 1490 см³ пры магутнасці 34 к. с.
Фрыц Фідлер спраектаваў раму на аснове 90 мм стальных труб і новы кузаў, на ўзор італьянскіх аўтамашын, з нахіленым пярэднім шклом, закругленымі формамі, меншымі парогамі, што дазволіла павялічыць унутраную прастору. Стальны кузаў з драўлянай рамай вырабляла кампанія Daimler-Benz з Зіндельфінгена. Мадэль BMW 315 прадставілі ў красавіку 1934 года.
На базе шасі выраблялі мадыфікацыі: лімузін за 3 750 марак, кабрыялет-лімузін за 3 950 марак, 4-месны кабрыялет за 4 400 марак, 2-месны спартыўны кабрыялет BMW 315/1 па 4 750 марак, тарпеда за 4 100 марак.
Прызнанне
[правіць | правіць зыходнік]BMW 315 стаў першым спартыўным аўтамабілем кампаніі, які атрымаў шырокае прызнанне. Рухавік прызнавалі адным з лепшых сярод тагачасных. Дзякуючы трывалай лёгкай раме маса аўто складала 835 кг, што рабіла яго самым лёгкай аўтамашынай сярэдняга класа. У прэсе аўто назвалі «лёгкім аўтамабілем» (ням.: Leichtwagen), што выкарыстала BMW у рэкламнай кампаніі. У 1935 годзе спецыялізаванае выданне «Allgemeine Automobil Zeitung» пісала, што падобныя на BMW 315 тэхнічныя характарыстыкі мелі толькі амерыканскія мадэлі.
Зноскі
- ↑ а б Baumuster BMW 315 (ням.). BMW Group Archive. Архівавана з першакрыніцы 7 лютага 2016.
- ↑ Franz Josef Popp (ням.)
Літаратура
[правіць | правіць зыходнік]- Hanns-Peter Rosellen, Das weiß-blaue Wunder, BMW- Geschichte und Typen, Seewald Verlag (1983), ISBN 3-512-00650-7 (ням.)
- Werner Oswald: Alle BMW-Automobile 1928–1978. Motorbuch Verlag, Stuttgart 1980, ISBN 3-87943-584-7 (ням.)
- Norbye, Jan P. (1984). BMW - Bavaria's Driving Machines. Skokie, IL: Publications International. ISBN 0-517-42464-9. (англ.)
Спасылкі
[правіць | правіць зыходнік]- Baumuster BMW 315 Архівавана 7 лютага 2016. (ням.)
Аўтамабілі BMW, 1920-я–1960-я — далей →
| |||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Клас | 1920-я | 1930-я | 1940-я | 1950-я | |||||||||||||||||||||||||||||||||||||
| 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | 0 | 1 | 2 | 3 | 4 | 5 | 6 | 7 | 8 | 9 | ||||||||||
| Аднацыліндравыя | Isetta 250/300 | ||||||||||||||||||||||||||||||||||||||||
| Апазітныя двухцыліндравыя | 600 | ||||||||||||||||||||||||||||||||||||||||
| Радныя чатырохцыліндравыя | Dixi 3/15/Dixi 3/15 DA/Dixi 3/15 DA1 | 3/15 DA2/ 3/15 DA4 | 3/20 | 309 | |||||||||||||||||||||||||||||||||||||
| Радныя шасціцыліндравыя | 303 | 315 | 329 | 320 | 321 | 321 | |||||||||||||||||||||||||||||||||||
| 326 | 326 | 340/340-2 | |||||||||||||||||||||||||||||||||||||||
| 319 | 327 | 327 | |||||||||||||||||||||||||||||||||||||||
| 335 | |||||||||||||||||||||||||||||||||||||||||
| V8 | 501/502 | ||||||||||||||||||||||||||||||||||||||||
| 503 | |||||||||||||||||||||||||||||||||||||||||
| 507 | |||||||||||||||||||||||||||||||||||||||||
| Спорткар | Wartburg DA3 | 315/1 | 319/1 |  328
|
|||||||||||||||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
