Яўген Яблонскі
Агульная інфармацыя
Поўнае імя	Яўген Уладзіміравіч Яблонскі
Нарадзіўся	10 мая 1995(1995-05-10)[1][2][…] (29 гадоў) Чэрвень, Чэрвеньскі раён, Мінская вобласць, Беларусь
Грамадзянства	Беларусь
Рост	182 см
Вага	82 кг[3]
Пазіцыя	паўабаронца
Інфармацыя пра клуб
Клуб	Астэрас
Нумар	5
Клубная кар’ера[* 1]
2012—2021 БАТЭ (Барысаў) 181 (10) 2022—2023 Арыс (Лімасол) 40 (0) 2024— Астэрас (Трыпаліс) 1 (0)
Нацыянальная зборная[* 2]
2013 Беларусь (да 19) 3 (0) 2014—2016 Беларусь (да 21) 28 (3) 2019— Беларусь 34 (3)
Узнагароды і медалі
Дзяржаўныя і ведамасныя ўзнагароды
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 28 сакавіка 2024
Медыяфайлы на Вікісховішчы

Яўген Яблонскі (нар. 10 мая 1995, Чэрвень) — беларускі футбаліст, паўабаронца грэчаскага клуба «Астэрас» з Трыпаліса і нацыянальнай зборнай Беларусі.

Пачаў займацца футболам у чэрвенскай ДЮСШ. Пазней перабраўся ў мінскую школу «Змена», адтуль — у Барысаўскае дзяржаўнае абласное вучылішча алімпійскага рэзерву. З лета 2012 года пачаў выступаць за дубль барысаўскага БАТЭ. У сезоне 2013 стаў адным з асноўных ігракоў дубля.

29 чэрвеня 2014 года дэбютаваў у асноўнай камандзе БАТЭ, выйшаўшы ў стартавым складзе ў матчы з «Белшынай». У першым жа матчы ў аснове адзначыўся галявой перадачай. У кастрычніку 2014 года ўжо трывала замацаваўся ў цэнтры паўабароны барысаўскага клуба. 27 кастрычніка 2014 года забіў свой першы гол у чэмпіянаце Беларусі (у браму жодзінскага «Тарпеда-БелАЗ»).

У лютым 2015 года падоўжыў кантракт з барысаўчанамі^[4]. У 2015—2016 гадах трывала гуляў у асноўнай камандзе, у сезоне 2016 часам выкарыстоўваўся на пазіцыі цэнтральнага абаронцы. У сезоне 2017 спачатку гуляў у стартавым складзе барысаўчан у якасці цэнтральнага абаронцы, пазней страціў месца ў аснове. У сезоне 2018 вярнуў месца ў стартавым складзе.

У снежні 2018 года падпісаў новы кантракт з БАТЭ^[5]. У сезоне 2019 замацаваўся ў якасці аднаго з асноўных ігракоў каманды. У верасні 2019 года падоўжыў пагадненне з клубам^[6]. У 2020—2021 гадах заставаўся трывалым іграком стартавага складу, дапамагаў барысаўчанам выйграць сярэбраныя медалі чэмпіянату і два Кубка Беларусі, у сезоне 2021 быў прызнаны найлепшым паўабаронцам чэмпіянату Беларусі.

У студзені 2022 года па заканчэнні кантракта пакінуў барысаўскі клуб^[7] і ў хуткім часе падпісаў пагадненне на 2,5 гады з кіпрскім «Арысам»^[8]. У «Арысе» рэгулярна з’яўляўся на полі, чаргаваў выхады ў стартавым складзе і на замену. Па выніках сезона 2022/23 разам з камандай стаў чэмпіёнам Кіпра. Пакінуў «Арыс» у ліпені 2023 года^[9], пасля чаго паўгады заставаўся без клуба.

У студзені 2024 года стаў іграком грэчаскага «Астэраса»^[10].

25 студзеня 2014 года дэбютаваў у моладзевай зборнай Беларусі ў матчы супраць Казахстана на Кубку Садружнасці ў Санкт-Пецярбургу. Пазней замацаваўся ў якасці асноўнага апорнага паўабаронцы зборнай, правёў за яе 28 матчаў і забіў 3 гола.

6 верасня 2019 года дэбютаваў у нацыянальнай зборнай Беларусі, адгуляўшы ўсе 90 хвілін у адборачным матчы чэмпіянату Еўропы супраць Эстоніі.

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе^[11].

• 01 Чэмпіён Беларусі (5): 2014, 2015, 2016, 2017, 2018
• 02 Срэбраны прызёр чэмпіянату Беларусі (3): 2019, 2020, 2021
• Уладальнік Кубка Беларусі (3): 2015, 2020, 2021
• Уладальнік Суперкубка Беларусі (3): 2015, 2016, 2017
• Найлепшы паўабаронца чэмпіянату Беларусі: 2021
• У спісе 22 найлепшых футбалістаў чэмпіянату Беларусі (3): 2019, 2020, 2021
• 01 Чэмпіён Кіпра: 2023