Яйкажыванараджэнне — спосаб узнаўлення патомства, пры якім зародак дасягае пэўнага развіцця ў яйцы ўнутры арганізма маці і вызваляецца ад абалонак яек адразу пасля іх адкладкі.

Пры яйкажыванараджэнні зародак развіваецца толькі за кошт пажыўных рэчываў яйка. Такі тып размнажэння характэрны для звычайнай гадзюкі, жывароднай яшчаркі, вераценніцы ломкай, мядзянкі і інш. У час адкладкі яек з іх адразу ж з'яўляюцца поўнасцю сфармаваныя і жыццяздольныя маляўкі. Змейкі гадзюкі, што толькі з'явіліся на свет, адразу ж распаўзаюцца і ўжо праз некалькі дзён пачынаюць самастойна карміцца насякомымі.

Пераход рэптылій ад адкладкі яек да яйкажыванараджэння звязаны з пашырэннем гэтай групы ў паўночных шыротах, дзе суровы клімат перашкаджае інкубацыі яек у навакольным асяроддзі.^[1] Актыўны выбар самкай больш цёплых участкаў забяспечвае ўсяму патомству аптымальны тэмпературны рэжым развіцця.

• Земнаводныя. Паўзуны: Энцыклапедычны даведнік. - Мн., БелЭн, 1996. ISBN 985-11-0067-6

Размнажэнне
Бясполае размнажэнне, мітоз	Аднаклетачны арганізм дзяленне Шматклетачны арганізм кланіраванне · спорамі (споранашэнне) · вегетатыўнае размнажэнне (пачкаванне · парасткамі · чаранкамі · культурай тканак · цыбулінамі · клубнямі)
Палавое размнажэнне, меёз, зігота	Аднаклетачны арганізм кан'югацыя Шматклетачны арганізм насеннем · ікрой · яйкамі · яйцажыванараджэнне · жыванараджэнне · партэнагенез (апаміксіс) · гермафрадытызм/аднадомнасць · гаметаўтварэнне (ізагамія→анізагамія→аагамія) Чаргаванне пакаленняў (гаметафіт/спарафіт)