Яакаў Нахум Эпштэйн
| Яакаў Нахум Эпштэйн | |
|---|---|
 | |
| Дата нараджэння | 20 лістапада 1878 |
| Месца нараджэння | |
| Дата смерці | 29 лютага 1952 (73 гады) |
| Месца смерці | |
| Месца пахавання | |
| Грамадзянства | |
| Род дзейнасці | навуковец |
| Месца працы | |
| Вядомыя вучні | Ezra Zion Melamed[d] |
| Прэміі | |
Яакаў Нахум Эпштэйн (20 лістапада 1878, Брэст-Літоўск — 29 лютага 1952, Іерусалім) — вучоны, даследчык Талмуда.
Біяграфія
[правіць | правіць зыходнік]Да дзесяці гадоў вучыўся ў хедэры, затым — пад кіраўніцтвам бацькі-рабіна. У 1893-95 вучыўся ў ешыве Міра, затым вярнуўся ў Брэст-Літоўск і працягваў заняткі ў мясцовым бэт-мідрашы. Акрамя звычайнай для таго часу праграмы, заняўся таксама тэксталагічнымі даследаваннямі твораў равіністычнай літаратуры. У 1902 годзе пераехаў у Вільню. У гады знаходжання ў гэтым горадзе апублікаваў свае першыя навуковыя артыкулы.
Па сямейных абставінах вымушаны быў вярнуцца ў Брэст-Літоўск, дзе, аднак, не перапыніў навуковай працы. У 1907 пераехаў у Вену і пасля гадавой падрыхтоўкі паступіў у Венскі ўніверсітэт, вывучаў семіцкую філалогію, філасофію і гісторыю. У 1923 годзе быў запрошаны ў якасці лектара ў Hochschule für die Wissenschaft des Judentums — найбуйнейшы ў той час цэнтр яўрэйскіх філалагічных і гістарычных даследаванняў, дзе выкладаў два гады. У гэты час Эпштэйн пачаў працу над поўным навуковым выданнем тэксту Мішны — каласальная праца ўсяго яго жыцця.
З 1925 быў прафесарам філалогіі Талмуда ў Яўрэйскім універсітэце ў Іерусаліме.
Эпштэйн — адзін з заснавальнікаў і рэдактараў навуковага альманаха «Двір», прысвечанага філалогіі мовы іўрыт, які выходзіў у 1923-24. Быў заснавальнікам і рэдактарам першых 23 тамоў навуковага штоквартальника «Тарбіц» (1930—1952) — вядучага ізраільскага выдання ў галіне яўрэйскай філалогіі і гісторыі. Бібліяграфія навуковых прац Эпштэйна ўтрымоўвае каля 130 прац.
Спасылкі
[правіць | правіць зыходнік]- Артыкул «Эпштейн Яаков Нахум» у Электроннай яўрэйскай энцыклапедыі
Слоўнікі і энцыклапедыі | ||||
|---|---|---|---|---|
| ||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
