Юрый Малееў
Поўнае імя	Юрый Іванавіч Малееў
Нарадзіўся	20 сакавіка 1968(1968-03-20) (56 гадоў) Быхаў, Быхаўскі раён, Магілёўская вобласць, БССР, СССР або Мінск, БССР, СССР[1]
Грамадзянства	СССР  Беларусь
Рост	172 см
Вага	68 кг
Пазіцыя	паўабаронца
Інфармацыя пра каманду
Каманда	Беларусь (жаночая) ЖФК Дынама-БДУФК
Пасада	галоўны трэнер
Клубная кар’ера[* 1]
1985 Дняпро (Магілёў) 9 (1) 1986—1987 Дынама (Мінск) 0 (0) 1988 Дынама (Брэст) 26 (3) 1989—1991 Дняпро (Магілёў) 88 (13) 1991—1995 Завіша (Быдгашч) 78 (12) 1995—1996 Атака-Аўра (Мінск) 13 (0) 1996 →  Атака-Аўра-Д (Мінск) 1 (2) 1996—1998 МПКЦ (Мазыр) 49 (7) 1998 →  Мазыр 1 (0) 1999—2000 Тарпеда-МАЗ (Мінск) 47 (2) 2001—2003 Тарпеда (Жодзіна) 74 (13)
Нацыянальная зборная[* 2]
1995—1996 Беларусь 9 (0)
Трэнерская кар’ера
2003—2004 Тарпеда (Жодзіна) трэнер 2004—2006 Тарпеда (Жодзіна) 2006—2007 Лакаматыў (Мінск) 2008 Савіт (Магілёў) трэнер 2009—2010 Беларусь (да 17) 2010—2014 Славія-Мазыр 2014—2015 Мінск трэнер 2016—2018 ЖФК Мінск 2019— Беларусь (жан.) 2020— ЖФК Дынама-БДУФК (Мінск)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ↑ Колькасць гульняў і галоў за нацыянальную зборную ў афіцыйных матчах

Юрый Малееў (нар. 20 сакавіка 1968, Быхаў) — беларускі футбаліст (паўабаронца) і трэнер. У цяперашні час з’яўляецца галоўным трэнерам жаночай зборнай Беларусі і жаночага клуба «Дынама-БДУФК».

У савецкі час гуляў за магілёўскі «Дняпро», пасля выступаў у Польшчы. У 1995 годзе вярнуўся ў Беларусь, выступаў за розныя клубы. У 1996 годзе ў складзе мазырскага МПКЦ стаў чэмпіёнам Беларусі. З 2001 года гуляў за жодзінскае «Тарпеда», у складзе якога завяршыў кар’еру ў 2003 годзе.

У 1995—1996 гадах гуляў за нацыянальную зборную Беларусі.

У 2003 годзе пачаў трэнерскую кар’еру ў жодзінскім «Тарпеда». Спачатку быў гуляючым трэнерам, а з 2004 годзе па сярэдзіну 2006 года — галоўным трэнерам жодзінцаў. У другой палове 2006 года ўзначальваў мінскі «Лакаматыў», пазней — юнацкую зборную Беларусі (1993 года нараджэння).

У сакавіку 2010 года прызначаны галоўным трэнерам мазырскай «Славіі». Прывёў мазырскі клуб да перамогі ў Першай лізе 2011 і вяртання ў Вышэйшую лігу. У Вышэйшай лізе «Славія» пад кіраўніцтвам Малеева не здолела замацавацца: у сезоне 2012 перадапошняе месца, а ў 2013 апошняе і зноў вылет у Першую лігу.

У студзені 2014 года, пасля вылету «Славіі», перайшоў у «Мінск» на пасаду старшага трэнера^[2]. Застаўся ў трэнерскім штабе і пасля звальнення ўлетку 2014 года Андрэя Скорабагацькі і прызначэння галоўным трэнерам Андрэя Пышніка.

У студзені 2016 года, пасля таго як каманду ўзначаліў Георгій Кандрацьеў, Малееў перайшоў на пасаду галоўнага трэнера жаночай каманды^[3]. Разам з жаночай камандай тройчы стаў чэмпіёнам Беларусі і выйграў Кубак Беларусі, двойчы перамог у Суперкубку Беларусі. У студзені 2019 года пакінуў пасаду^[4].

У чэрвені 2019 года быў прызначаны галоўным трэнерам жаночай зборнай Беларусі^[5]. У пачатку 2020 года таксама ўзначаліў новаўтвораны клуб «Дынама-БДУФК», які ў першым жа сезоне перывёў да перамогі ў жаночым чэмпіянаце Беларусі.

Мае трэнерскую ліцэнзію катэгорыі PRO.

• 01 Чэмпіён Беларусі: 1996
• Пераможца Першай лігі чэмпіянату Беларусі: 2001

• Пераможца Першай лігі чэмпіянату Беларусі: 2011
• Пераможца жаночага чэмпіянату Беларусі: 2020

• Профіль на сайце transfermarkt.com (англ.)
• Статыстыка на сайце National Football Teams (англ.)
• Статыстыка на сайце footballfacts.ru (руск.)