Горад Гільдэсгайм ням.: Hildesheim Герб Сцяг Краіна  Германія Зямля Ніжняя Саксонія Раён раён Гільдэсгайм Каардынаты 52°09′ пн. ш. 9°57′ у. д.HGЯO Унутранае дзяленне 10 пасёлкаў Обер-бургамістр Курт Махенс (б/п) Плошча 92,96 км² Вышыня цэнтра 78 м Насельніцтва 103 249 чалавек (2006) Часавы пояс UTC+1, летам UTC+2 Тэлефонны код 05121 Паштовы індэкс 31101-31141 Аўтамабільны код HI Афіцыйны код 03 2 54 021 Афіцыйны сайт hildesheim.de (ням.) Гільдэсгайм на карце Германіі ±

Медыяфайлы на Вікісховішчы

Гільдэсгайм^[1] (ням.: Hildesheim) — горад у Германіі, цэнтр аднайменнага раёна Гільдэсгайм зямлі Ніжняя Саксонія. Размешчаны за 25 км на паўднёвы ўсход ад Гановера. Насельніцтва — каля 100 тыс. жыхароў. Вядомы з IX стагоддзя.

У пачатку IX стагоддзя, у 815 годзе, было заснавана мясцовае епіскапства. На працягу некалькіх стагоддзяў Гільдэсгаймам кіравала духавенства, перш чым была пабудавана ратуша і грамадзяне атрымалі некаторы ўплыў на кіраванне.

Пасля Напалеонаўскіх войнаў Гільдэсгайм увайшоў у склад Ганзы, часткі Каралеўства Гановера, але быў захоплены Каралеўствам Прусіі, пасля Аўстра-прускай вайны, і зроблены абласным горадам Гановера.

Гільдэсгайм быў моцна пашкоджаны падчас Другой сусветнай вайны ў выніку паветраных налётаў у 1945 годзе, асабліва 22 сакавіка 1945 года. Цэнтр горада, які да гэтага захоўваў характар Сярэднявечча, проста спыніў сваё існаванне. Пасля вайны ён перабудоўваўся ў зусім розных стылях. На шчасце, большасць буйных цэркваў, дзве з іх у цяперашні час сусветная спадчына ЮНЕСКА, былі адноўлены неўзабаве пасля вайны.

У 1980 годзе пачалася рэканструкцыя гістарычнага цэнтра. Некаторыя са старых будынкаў вакол галоўнай плошчы былі знесены і заменены копіямі сапраўдных пабудоў.

¹ даныя перапісу

• Кафедральны сабор Св. Марыі (ням.: Dom St. Maria), сярэдневяковы каталіцкі сабор, пабудаваны паміж 1010 і 1020 гадамі, у XI, XII і XIV стагоддзях падлягаў рэканструкцыі і пашырэнню, пасля паветраных налётаў у 1945 аднаўляўся з 1950 па 1960 год. З 1985 года ўваходзіць у спіс культурнай спадчыны ЮНЕСКА.
• Царква Св. Міхаэля (ням.: Michaeliskirche), пабудаваная напачатку другога тысячагоддзя ў раманскім стылі, з 1985 года ўваходзіць у спіс культурнай спадчыны ЮНЕСКА.
• Саборны музей (ням.: Dom-Museum), у якім знаходзіцца вялікая калекцыя рэлігійнага мастацтва.
• Музей Ромера і Пеліцэуса (ням.: Roemer- und Pelizaeus-Museum), з’яўляецца вынікам аб’яднання Музея Ромера, заснаванага ў 1844 годзе, і Музея Пеліцэуса, заснаванага ў 1911 годзе. У музеі захоўваецца адна з найбольш значных еўрапейскіх калекцый старажытнаегіпецкага і старажытнаперуанскага мастацтва. Калекцыя кітайскага фарфору гэтага музея займае па сваіх памерах другое месца ў Еўропе.

Іншыя славутасці ўключаюць тэатр, аперэту, мюзіклы, драму, балет.

• Джазавы фестываль (ням.: Jazz-Festival), праходзіць на Сёмуху, штогод у маі або чэрвені.
• M’era Luna Festival — найбуйнейшы музычны фестываль Германіі, праводзіцца штогод у другія выходныя дні жніўня.

• Універсітэт Гільдэсгайма (ням.: Universität Hildesheim), заснаваны ў 1978 годзе. Яго асноўныя факультэты — сацыяльныя і інфармацыйныя навукі. Ва ўніверсітэце зарэгістравана каля 5 тыс. чалавек. Інавацыі ў вобласці міжнароднага менеджменту і сувязі прыцягваюць ва ўніверсітэт замежных студэнтаў.

Карпарацыі, якія знаходзяцца ў Гільдэсгайме:

• Bosch, вытворца аўтамабільнага і прамысловага абсталявання;
• Blaupunkt, даччыная кампанія ў канцэрне «Robert Bosch Corporation GmbH»;
• The Coca-Cola Company;
• Fairchild;
• Thyssen, аконныя сістэмы;
• Krupp, найбуйнейшы канцэрн па вытворчасці ліставай нержавеючай сталі.

• Hildesheimer Relation, з'яўляецца адной іх самых першых газет у Германіі, выдаецца з XVII стагоддзя (1619—1620).
• 10 ліпеня 1908 года была адкрыта першая тэлефонная станцыя.

Гільдэсгайм мае эфектыўную транспартную інфраструктуру — рэгіянальны цэнтр для чыгункі (Intercity-Express), звязаны з аўтастрадай (Autobahn), мае гавань у Сярэднегерманскім канале.

• Ангулем, Францыя, з 1965 года.
• Эль-Мінья, Егіпет, з 1975 года.
• Вестан-Сьюпер-Мер, Вялікабрытанія, з 1983 года.
• Паданг, Інданезія, з 1988 года.
• Гале, Германія, з 1990 года.
• Геленджык, Расія, з 1992 года.
• Павія, Італія, з 2000 года.

• 
  Гістарычная карта Гільдэсгайма, 1910
• 
  Ратуша, галоўная плошча, 1895
• 
  Knochenhauer-Amtshaus, 1890-1905
• 
  Mariendom
• 
  St. Andreas
• 
  Kaiserhaus
• 
  Bahnhofsvorplatz

У горадзе працаваў і памёр беларускі рэлігійны і культурна-грамадскі дзеяч Міхась Маскалік (1903—1965).

• Эберхард Шлотэр, нямецкі мастак

• Гільдэсгаймскія аналы
• Гільдэсгаймскі скарб

• На Вікісховішчы ёсць медыяфайлы па тэме Гільдэсгайм
• Афіцыйны сайт