Урад Чэшскай Рэспублікі
Vláda České republiky
Стракава акадэмія — Рэзідэнцыя Урада Чэшскай Рэспублікі
Агульная інфармацыя
Краіна	Чэхія[1]
Юрысдыкцыя	Чэхія
Дата стварэння	1990 год
Папярэдняе ведамства	Урад Чэшскай Сацыялістычнай Рэспублікі
Штаб-кватэра	Набярэжная Эдварда Бенеша, 4/128, Прага 1 — Мала-Страна
Старшыня Ўрада Чэшскай Рэспублікі	Багуслаў Собатка
Першы віцэ-старшыня Ўрада	Андрэй Бабіш
Віцэ-старшыня Ўрада	Павел Белабрадэк
Сайт	vlada.cz/cz/vlada/

Урад Чэшскай Рэспублікі (чэшск.: Vláda České republiky) — вышэйшы орган выканаўчай улады Чэшскай Рэспублікі. Прававое палажэнне ўрада вызначаны трэцяй главой канстытуцыі Чэшскай Рэспублікі, прынятай 16 снежня 1992 года.

У адпаведнасці з канстытуцыяй Чэшскай Рэспублікі, урад з'яўляецца вышэйшым органам выканаўчай улады і складаецца са старшыні, намеснікаў старшыні ўрада і міністраў (артыкул 67). Урад з'яўляецца адказным перад палатай дэпутатаў парламента.

У адпаведнасці з артыкулам 68 канстытуцыі, члены ўрада прызначаюцца прэзідэнтам рэспублікі, потым на працягу 30 дзён урад просіць палату дэпутатаў аб выражэнні даверу. Палата дэпутатаў альбо выражае давер зноў прызначанаму ўраду, альбо не. У апошнім выпадку прэзідэнт прызначае новы склад урада, які зноў павінен запытаць вотум даверу ў палаты дэпутатаў. Калі ж палата дэпутатаў другі раз запар не выразіць давера ўраду, прэзідэнт прызначае старшыню ўрада па прапанове старшыні палаты дэпутатаў.

Урад, у адпаведнасці з артыкулам 41 канстытуцыі, валодае правам заканадаўчай ініцыятывы, прычым заканапраекты аб дзяржаўным бюджэце і аб выкананні дзяржаўнага бюджэта могуць уносіцца толькі ўрадам (артыкул 42 канстытуцыі). Прынятыя парламентам законы падпісваюцца старшынёй палаты дэпутатаў, прэзідэнтам рэспублікі і старшынёй урада (артыкул 51).

Паўнамоцтвы ўрада спыняюцца ў выніку выраза недаверу палатай дэпутатаў па пісьмовай прапанове не менш чым 50 дэпутатаў (артыкул 72), альбо ў выніку адстаўкі ўрада, якую прыймае прэзідэнт Рэспублікі (артыкул 73). Урад абавязаны падаць у адстаўку, калі палата дэпутатаў выразіла яму недавер, а таксама пасля выбараў ніжняй палаты парламента.

Склад выканаўчай улады вызначаецца на падставе Закона № 2/1969 Coll «Аб стварэнні міністэрстваў і іншых цэнтральных органаў дзяржаўнага кіравання Чэшскай рэспублікі» з наступнымі дапаўненнямі. На 2013 год існавала 14 міністэрстваў і 11 іншых органаў цэнтральнага дзяржаўнага кіравання (напрыклад, Офіс цэнтральнага ўрада ці Чэшскі офіс статыстыкі). Цэнтральны апарат дзяржавы таксама ўключае разнастайныя адміністрацыйныя органы з паўнамоцтвамі на нацыянальным узроўні, што падпарадкоўваюцца аднаму з міністэрстваў, якія не загадваюцца ў Законе (напрыклад, Чэшская гандлёвая інспекцыя ці Цэнтральны зямельны офіс). Гэты ж закон вызначае сферу дзейнасці і адказнасць міністэрстваў^[2].

• Конституция Чешской Республики Архівавана 5 снежня 2014. (руск.)
• Ústava Ćeské republiky (чэшск.)

Краіны Еўропы: Урады
Азербайджан¹ Албанія Андора Аўстрыя Балгарыя Беларусь Бельгія Боснія і Герцагавіна Ватыкан Венгрыя Вялікабрытанія Германія Грузія Грэцыя Данія Ірландыя Ісландыя Іспанія Італія Казахстан² Кіпр¹ Латвія Літва Ліхтэнштэйн Люксембург Малдова Мальта Манака Нарвегія Нідэрланды Партугалія Паўночная Македонія Польшча Расія² Румынія Сан-Марына Сербія Славакія Славенія Турцыя² Украіна Фінляндыя Францыя Харватыя Чарнагорыя Чэхія Швейцарыя Швецыя Эстонія
Залежныя тэрыторыі
Азорскія астравы Аландскія астравы Гернсі Гібралтар Джэрсі Востраў Мэн Фарэрскія астравы Шпіцберген Ян-Маен
Непрызнаныя і часткова прызнаныя дзяржавы
Абхазія¹ Косава Паўднёвая Асеція¹ Прыднястроўе
¹ Часткова або цалкам у Азіі, у залежнасці ад праведзенай мяжы (en) ² У асноўным у Азіі