Узнікненне жыцця
Узнікненне жыцця на Зямлі — тэарэтычныя даследаванні аб верагоднай гісторыі ўзнікнення ўсяго жывога на планеце Зямля. Згодна з астранамічнымі і геалагічнымі дадзенымі, ўзрост Зямлі складае прыкладна 4,5 — 5 млрд. гадоў. Лічыцца, што ў мінулым стан нашай планеты быў мала падобны на сённяшні. Верагодна, тэмпература на паверхні была вельмі высокай (4000 — 8000 °C), а па меры таго, як Зямля астывала, тугаплаўкія металы кандэнсаваліся і ўтварылі зямную кару; паверхня планеты была, напэўна, голай і няроўнай, таму што на ёй у выніку вулканічнай актыўнасці, рухаў і сцісканняў кары, выкліканых астуджэннем, адбывалася ўтварэнне зморшчын і разрываў.
Лічыцца, што гравітацыйнае поле яшчэ недастаткова шчыльнай планеты не магло ўтрымліваць лёгкія газы: вадарод, кісларод, азот, гелій і аргон, з-за чаго яны сыходзілі з зямной атмасферы. Але простыя злучэнні, якія змяшчаюць сярод іншых гэтыя элементы (вада, аміяк, CO2, метан) былі досыць цяжкімі і засталіся на планеце. Пакуль тэмпература Зямлі не ўпала ніжэй за 100 °C, уся вада знаходзілася ў парападобным стане. Атмасфера была, відавочна, «аднаўленчай», пра што сведчыць наяўнасць у старажытных пародах металаў у адноўленай форме (напрыклад, двухвалентнага жалеза). Больш маладыя пароды ўтрымліваюць металы ў акісленай форме (Fe3+). Адсутнасць кіслароду, хутчэй за ўсё, была неабходнай умовай для ўзнікнення жыцця. Лабараторныя вопыты сведчаць аб тым, што арганічныя рэчывы (аснова жыцця) значна лягчэй ўтвараюцца ў збедненай кіслародам атмасферы.
Гіпотэза РНК-свету
[правіць | правіць зыходнік]Гэтая гіпотэза ўзнікнення жывых арганізмаў апошнім часам набывае ўсё больш прыхільнікаў. Сутнасць яе складаецца ў дапушчэнні, што заснавальнікамі жывых клетак былі малекулы РНК, а не бялкі.
Важным для развіцця гэтай тэорыі з'яўляецца адкрыццё з'явы самарэплікацыі (самаўзнаўлення) малекул РНК. Лічыцца, што шляхам самарэплікацыі малекулы РНК эвалюцыянавалі да складаных клеткавых утварэнняў.
Асноўнай праблемай гіпотэзы з'яўляецца складанасць спантаннага сінтэзуу адзінкавых малекул РНК, а таксама іх паслядоўнасцей.
Гл. таксама
[правіць | правіць зыходнік]- Уяўленні аб узнікненні жыцця на Зямлі
- Жыццё
- Стварэнне свету ў Бібліі
Спасылкі
[правіць | правіць зыходнік]- Zlobin, A.E. (2013). Tunguska similar impacts and origin of life. Modern scientific researches and innovations. No.12
- Zlobin, A.E. (2014) Symmetry infringement in mathematical metrics of hydrogen atom as illustration of ideas by V.I.Vernadsky concerning origin of life and biosphere. Acta Naturae (Special Issue 1): 48. Архівавана 6 кастрычніка 2014.
Працэсы біялагічнай эвалюцыі |
|
---|---|
Механізмы папуляцыйнай генетыкі |
|
Узнікненне жыцця |
|
Гісторыя эвалюцыйнага вучэння |
|
Сучасныя канцэпцыі |
|
Эвалюцыя (Агульная храналогія) |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.