Сяргей Станішаў
балг.: Сергей Дмитриевич Станишев
61-ы Прэм’ер-міністр Балгарыі 17 жніўня 2005 — 27 ліпеня 2009
Прэзідэнт	Георгій Пырванаў
Папярэднік	Сімяон II
Пераемнік	Бойка Барысаў
Нараджэнне	5 мая 1966(1966-05-05) (58 гадоў) Херсон, Херсонская вобласць, Украінская ССР
Бацька	Дзімітр Якаў Станішаў
Маці	Дзіна Сяргееўна Мухіна
Жонка	Моніка Ёсіфава
Нацыянальнасць	балгарын
Партыя	Балгарская сацыялістычная партыя
Адукацыя	МДУ
Прафесія	гісторык
Дзейнасць	палітык
Месца працы	Лонданская школа эканомікі і палітычных навук
Медыяфайлы на Вікісховішчы

Сярге́й Дзмі́трыевіч Стані́шаў (балг.: Сергей Станишев; 5 мая 1966, Херсон, Украіна) — балгарскі палітык, журналіст і гісторык, з'яўляецца кіраўніком Балгарскай сацыялістычнай партыі (БСП), з 17 жніўня 2005 па 27 ліпеня 2009 года — прэм'ер-міністр Балгарыі.

Бацька, Дзімітар Станішаў, паходзіў з вёскі Штука (Македонія) і быў сакратаром Балгарскай камуністычнай партыі, маці Дзіна Мухіна, была расейкай, якая выкладала славістыку ў Сафійскім універсітэце.

Станішаў скончыў гістарычны факультэт Маскоўскага ўніверсітэта імя Ламаносава. Тэмай дыпломнай працы была «Роля мундзіра ў выхаванні ваеннага духа Чырвонай Арміі». Да 1996 года Станішаў меў расійскае грамадзянства. У 1999—2000 гг. стажыраваўся ў Лонданскай Школе эканомікі і палітычных навук.

З 1994 да 1995 года працаваў журналістам. Потым быў галоўным экспертам у аддзеле замежнай і міжнароднай палітыкі Балгарскай сацыялістычнай партыі. У траўні 2001 года быў абраны адным з кіраўнікоў партыі, а ў чэрвені таго ж года — удзельнікам «Кааліцыі на карысць Балгарыі» ў склад якой уваходзіла і Сацыялістычная партыя. У снежні 2001 года Станішаў быў абраны кіраўніком партыі. З 2001 года — дэпутат парламенту.

У парламенцкіх выбарах 2005 года яго партыя атрымала 31 % галасоў. Пасля абвяшчэння вынікаў (25 чэрвеня) Станішаў абвясціў, што ў новым кабінеце міністраў няма больш месцаў для прадстаўнікоў Народнага руху Сімяона II, які быў прэм'ерам з 2001 да 2005 гг. Але калі 27 ліпеня яго спіс кабінета міністраў не быў прыняты парламентам, былі распачаты спробы стварэння кааліцыйнага ўрада. Кааліцыйны ўрад пачаў сваю працу 17 жніўня 2005 года.

На парламенцкіх выбарах 2009 года левацэнтрысцкая «Кааліцыя за Балгарыю», якую ўзвачальваў Станішаў, пацярпела разгромнае паражэнне, сабраўшы толькі 17 % галасоў. 27 ліпеня 2009 года Сяргей Станішаў выйшаў у адстаўку, аднак, нягледзячы на наступныя скандалы, адмовіўся пакінуць пост лідара БСП.

Прэм’ер-міністры Балгарыі
Княства Балгарыя	Бурмаў Друмеў Цанкаў Каравелаў Эрнрот Собалеў Цанкаў Каравелаў Друмеў Каравелаў Радаславаў Стоілаў Стамбалаў Стоілаў Грэкаў Іванчаў Петраў Каравелаў Данеў Петраў Петкаў Станчаў Гудзеў Малінаў
Трэцяе Балгарскае царства	Малінаў Гешаў Данеў Радаславаў Малінаў Тэадораў Стамбалійскі Цанкаў Ляпчаў Малінаў Мушанаў Георгіеў Злацеў Тошаў Кёсеіванаў Філаў Божылаў Багранаў Муравіеў Георгіеў
Народная Рэспубліка Балгарыя	Дзімітроў Калараў Чарвенкаў Югаў Жыўкаў Тодараў Філіпаў Атанасаў Луканаў
Рэспубліка Балгарыя	Попаў Дзімітраў Бераў Інджава Відэнаў Сафіянскі Костаў Саксен-Кобург Станішаў Барысаў Райкаў Арэшарскі Блізнашкі Барысаў Герджыкаў Барысаў Янеў Петкаў Донеў