Праваслаўны храм
Свята-Казьма-Дзям'янаўская царква
53°00′59″ пн. ш. 27°33′50″ у. д.HGЯO
Краіна	Беларусь
Горад	Слуцк
Канфесія	Праваслаўе
Епархія	Слуцкая
Благачынне	Слуцкае
Стан	дзейнічае

Свята-Казьма-Дзям’янаўская царква — мураваны праваслаўны храм у горадзе Слуцку Мінскай вобласці. Знаходзіцца на вуліцы Старадарожскай, 22^[1].

Дакладны час з’яўлення першай вядомай царквы св. Касмы і Даміяна невядомы. У XVI стагоддзі яна ўжо існавала. Была драўляная. За доўгую гісторыю магла, верагодна, знаходзіцца ў розных месцах горада. Некаторыя крыніцы ўскосна сведчаць, што царква з такой назвай нейкі час магла быць у прадмесці «Востраў». Аднак пазней, хутчэй за ўсё, стаяла ў Новым гарадзе непадалёку ад Навамейскай брамы. З апошніх дат, калі згадваецца гэта царква — 1713 год. Праз нейкі час яна пацярпела ад пажару, пэўны час стаяла непапраўленая, а потым была разабрана. Фундуш далучылі да Успенскай саборнай царквы, а рэчы і начынне, што засталіся пасля пажару, перадалі востраўскай Міхайлаўскай царкве.

У 1993 годзе з’явіўся новы ў імя Касмы і Даміяна прыходскі храм. Для яго быў перададзены будынак былога салдацкага клуба на тэрыторыі скасаванага дзясятага вайсковага гарадка па вуліцы Максіма Багдановіча.

Будынак мураваны Т-падобны, які пасля рамонту набыў двухсхільны дах з вальмамі па тарцах. Пасярэдзіне над зробленым купалападобным скляпеннем у 1996—2000 гадах пастаўлены драўляны светлавы барабан з купалам, ніжэй па схілах даху — чатыры меншыя купалкі на глухіх барабанах. Замест ранейшых прамавугольных аконных праёмаў зроблены меншыя арачныя з невялікімі дэкаратыўнымі франтончыкамі над імі, якія надаюць выцягнутым бакавым сценам адметны дэкаратыўны рытм. Інтэр’ер падзелены на тры часткі двума радамі квадратных у плане мураваных калон. Тарцовая ўсходняя сцяна з уваходным праёмам выкарыстана для размяшчэння трох’яруснага іканастаса. Да заходняга тарца храма ў 1995 годзе прыбудавана цагляная ярусная (чацвярык са зрэзанымі вугламі на чацвярыку) шатровая званіца, ніжні ярус якой з’яўляецца прытворам. У бакавых крылах будынка размяшчаюцца: справа — іканапісная майстэрня, злева — жылыя пакоі настаяцеля. ^[2]

У лістападзе 2012 года Філарэт даў багаславенне на арганізацыю жаночаму манастыру ў Слуцку.

28 сакавіка 2013 года Сінод Беларускай Праваслаўнай Царквы пастанавіў багаславіць ператварэнне прыхода храма ў жаночы манастыр^[3].

Славутасці Слуцка
Раёны і кварталы	Гарадзішча • Стары горад • Новы горад • Востраў • Трайчаны • Выгода
Умацаванні	Верхні замак† • Ніжні замак† • Гарадскія ўмацаванні†: Цытадэль (Новы замак)† • Віленская брама† • Капыльская брама† • Востраўская брама† • Навамейская брама†
Палацы і сядзібы	Палац Радзівілаў† • Стары палац Радзівілаў†
Грамадскія будынкі і збудаванні	Ратуша† • Дваранскі сходГКК • Паштовая станцыяГКК • Духоўнае вучылішча • Мужчынская гімназія • Дом культуры • Гарадскі стадыён
Музеі	Слуцкі краязнаўчы музей
Помнікі і мемарыялы	Помнік Сафіі Слуцкай
Манастыры, саборы і храмы	Свята-Міхайлаўская царкваГКК • Свята-Аляксандра-Неўская царква • Трайчанскі манастыр† • Ільінскі манастыр† • Свята-Варварынская царква† • Свята-Мікалаеўскі сабор† • Свята-Раства-Багародзіцкая царква† Свята-Казьма-Дзям’янаўская царква • Свята-Іаана-Прадцечанская царква† • Свята-Успенская царква† • Свята-Георгіеўская царква† • Свята-Стэфанаўская царква† • Свята-Васкрасенская царква† • Царква Сімяона-Стоўпніка† • Царква Нараджэння Хрыстовага† • Надбрамная царква Іаана Багаслова† • Касцёл Святога Антонія Падуанскага† і кляштар бернардзінцаў • Касцёл Святога Духа і кляштар езуітаў† • Касцёл і калегіум езуітаў† • Фарны касцёл† • Касцёл Святога Антонія • Свята-Варварынская капліца • Капліца† • Кальвінскі збор† • Харальная сінагога† • Слуцкая халодная сінагога†
Вуліцы	Віленская вуліца
† страчаныя аб’екты ГКК маюць статус ГКК РБ