Сардана
Сарда́на (катал.: Sardana) — нацыянальны каталонскі танец, сімвал адзінства каталонцаў.
Гісторыя
[правіць | правіць зыходнік]Лічыцца, што танец сардана мае старажытныя карані і ўзнік не пазней за XVI ст. На самой справе, папулярнасць танца доўгі час абмяжоўвалася прыморскім пірэнейскім рэгіёнам на ўсходзе Каталоніі. Шырокае распаўсюджванне пачалося з канца XIX ст. У гады дыктатуры Ф. Франка, калі каталонская мова і культура прыгняталіся, арганізацыя супольных танцаў стала формай маўклівага пратэсту, якая сімвалізавала адзінства каталонцаў і іх сувязь з асабістымі нацыянальнымі традыцыямі. У нашы дні сардана суправаджае многія святы. У Барселоне і іншых гарадах праводзяцца фестывалі сарданы.
Асаблівасці
[правіць | правіць зыходнік]Сардана — колавы танец, знешне нагадвае карагод. Танцоры бяруцца за рукі, якія паднімаюць угару. Дзейства суправаджаецца рытмічнай музыкай спецыяльнага аркестра з духавых інструментаў cobla. Танцоры робяць кароткія крокі, што падпарадкоўваюцца адзінаму рытму. Звычайна кола рухаецца злева направа: кропка - крок - крок - крыжападобны рух нагамі на месцы. Пры гэтым важны агульны настрой. Калі нехта з танцораў робіць нешта няправільна, то разам з ім з рытму збіваецца ўсё кола. Танец завяршае сумесны рух танцораў cop final.
Прыклад выканання сарданы:
Гл. таксама
[правіць | правіць зыходнік]Спасылкі
[правіць | правіць зыходнік]Сардана на Вікісховішчы |
Text is available under the CC BY-SA 4.0 license; additional terms may apply.
Images, videos and audio are available under their respective licenses.